బీజింగ్, జనవరి 31  (globelmedianews.com)
కరోనా వైరస్ వల్ల చైనాలో పరిస్థితి దయనీయంగా మారింది. ప్రజలకు బయట అడుగుపెట్టాలంటేనే భయపడిపోతున్నారు. ఈ నేపథ్యంలో ప్రపంచం వ్యాప్తంగా 10 వేల మందికి కరోనా వైరస్ సోకినట్లు వార్తలు వస్తున్నాయి. 17 దేశాల్లో ఇప్పటివరకు 213 మంది మరణించారు. దీంతో ప్రపంచ ఆరోగ్య సంస్థ మెడికల్ ఎమర్జన్సీని ప్రకటించింది.వ్యాధి ప్రబలిన ప్రాంతాల్లో ప్రజలు తమ శరీరాన్ని పూర్తిగా కట్టుకుంటున్నారు. మాస్కులు ధరిస్తేగానే బయటకు అడుగు పెట్టడం లేదు. 
కరానాతో బ్రా కు మార్కెట్

ఈ వైరస్‌‌‌ ప్రభావం ఎక్కువగా ఉన్న ఉహాన్‌లో దాదాపు జనజీవనం స్తంభించిపోయింది. ప్రజలు ఇళ్ల నుంచి బయటకు రాకపోవడంతో రహదారులన్నీ ఖాళీగా కనిపిస్తున్నాయి.కరోనా వైరస్ ప్రబలిన తర్వాత మాస్కులకు డిమాండు బాగా పెరిగింది. మాస్కుల కొరత వల్ల ప్రజలు ఇళ్ల నుంచి బయటకు రాలేని పరిస్థితి నెలకొంది. అయితే, కొందరు మాత్రం ప్రత్యామ్నయ మార్గాల్లో మాస్కులను తయారు చేస్తున్నారు. మహిళలు ధరించే ‘బ్రా’లను రెండుగా కత్తిరించి ఉపయోగిస్తున్నారు. కప్పు ఆకారంలో ఉండటం వల్ల అవి ముక్కు, నోళ్లను మూయడానికి సరిగ్గా సరిపోతున్నాయని అంటున్నారు. దీంతో బ్రాలకు కూడా డిమాండ్ పెరిగింది. కొందరు డైపర్లు, శానిటరీ నాప్కిన్‌, నిమ్మ లేదా నారింజ తొక్కలను మాస్కులుగా ధరిస్తున్నారు. ఆ ‘చిత్రాల’ను కింది ట్వీట్లలో చూడండి.

కరానాతో బ్రా కు మార్కెట్

చదువుతోనే పేదరికానికి దూరం చేయవచ్చు.
వీడియో కాన్ఫరెన్స్ లో జిల్లా కలెక్టర్ జి వీరపాండియన్.
కర్నూలు, జనవరి 31 (globelmedianews.com)
ప్రతి విద్యార్థికి పదవ తరగతి కీలక మెట్టు లాంటిదని కర్నూలు జిల్లా కలెక్టర్ జి వీరపాండియన్ విద్యార్థులను ఉద్దేశించి మాట్లాడారు. శుక్రవారం స్థానిక కలెక్టర్ బంగ్లా కార్యాలయం నుంచి జిల్లాలో పదవ తరగతి పరీక్షలలో వెనుకబడిన విద్యార్థులతో కలెక్టర్ వీడియో కాన్ఫరెన్స్ నిర్వహించారు. వినూత్న రీతిలో పదో తరగతి విద్యార్థులకు జిల్లా కలెక్టర్ పలు సలహాలు, సూచనలు ఇస్తూ ప్రేరణ కలిగేలా వీడియో కాన్ఫరెన్స్ లో విద్యార్థులను ఉద్దేశించి మాట్లాడారు. పదో తరగతి విద్యార్థికి చాలా కీలకమని, ఏ ఉద్యోగం చేయాలన్న పదవతరగతి ఖచ్చితంగా పాస్ కావాలి అన్నారు. భవిష్యత్తు ఉన్నతస్థానానికి ఎదగాలంటే ప్రణాళికబద్ధంగా చదవాలన్నారు. 
పదో తరగతి విద్యార్థికి కీలక మెట్టు

సమాజంలో ప్రతి మనిషికి స్థానం, హోదా ఉంటుందని, సమాజంలో గుర్తింపు రావాలంటే మరింత కష్టపడాలి అన్నారు. తాను పేద కుటుంబంలో వచ్చిన విద్యార్థిని అని అప్పుడు బాగా కష్ట పడడం వల్ల ఈ స్థానానికి ఎదిగానని కలెక్టర్ విద్యార్థులకు తెలిపారు. పేదరికం దూరం కావాలంటే ఒక చదువుతో మాత్రమే దూరం చేయవచ్చన్నారు. భవిష్యత్తులో ఏ స్థానానికి ఎదగాలి అనుకుంటున్నారో, ఆ లక్ష్యం చేరుకోవాలంటే పదవతరగతి కచ్చితంగా పాస్  కావాలన్నారు. మీ ఆశయం నెరవేరాలంటే ఇష్టపడి కష్టపడి చదవాలన్నారు. భవిష్యత్తును బంగారు బాట వేసుకోవాలంటే మొదటగా లక్ష్యం ప్రతి విద్యార్థి ఎంచుకోవాలి అన్నారు. 10 పబ్లిక్ పరీక్షలు ఒక్క నెల సమయం మాత్రమే ఉందని తక్కువ సమయంలో ఇప్పటి నుంచి ఏకాగ్రతతో చదివితే పది సులువుగా పాస్ అవుతారు. మొట్టమొదటిసారి కలెక్టర్ గా పదవ తరగతిలో వెనుకబడిన విద్యార్థుల దృష్టిలో ఉంచుకొని మీలో ప్రేరణ, చదువు మీద శ్రద్ధ కలిగే విధంగా మీ జీవితంలో ఉన్నత స్థాయికి ఎదిగే వరకు చిరస్థాయిగా నిలిచిపోయే విధంగా వీడియో కాన్ఫరెన్స్లో మాట్లాడడం జరిగింది అన్నారు. విద్యార్థులు ప్రత్యేకంగా చదవడం కన్నా ఎక్కువసార్లు రాయడం ముఖ్యమన్నారు. పేపర్ లో ఎంత బాగా రాశారో వారికి మాత్రమే మంచి మార్కులు వస్తాయన్నారు. విద్యార్థులు పరీక్షల సమయంలో ఎటువంటి టెన్షన్ లోనుకాకుండా ఎనిమిది గంటలు చదివి ఐదు గంటలు రాయడానికి సమయం కేటాయిస్తే మంచి మార్కులు వస్తాయి అన్నారు. పరీక్షల్లో పాస్ కావడానికి చాలా సులభమైన మార్గం అన్నారు. అనంతరం జిల్లా కలెక్టర్ వీరపాండియన్ పదోతరగతి విద్యార్థులతో వీడియో కాన్ఫరెన్స్లో ఇంత వరకు ఏమి అర్థమైంది, పదిలో ఉత్తీర్ణత ఎలా సాధిస్తారని అంశాలపై విద్యార్థులను వివరాలు అడిగి తెలుసుకున్నారు. అదేవిధంగా కలెక్టర్ హెడ్మాస్టర్, ఉపాధ్యాయుల ఉద్దేశించి మాట్లాడుతూ  పదవ తరగతి ఫలితాలు 100% వచ్చేలా విద్యార్థులకు ఇప్పటినుంచి పదేపదే రాయించడం చేయాలన్నారు.   వీడియో కాన్ఫరెన్స్ లో జిల్లా విద్యాశాఖ అధికారి సాయిరాం, విద్యాశాఖ అధికారులు, హెడ్మాస్టర్ లు,  ఉపాధ్యాయులు తదితరులు పాల్గొన్నారు.

పదో తరగతి విద్యార్థికి కీలక మెట్టు

వరంగల్ జనవరి 31  (globelmedianews.com)
వరంగల్ ఎంజీఎం లోని నర్సింగ్ హాస్టల్ పై ఏసీబీ అధికారులు దాడులు నిర్వహించారు. శుక్రవారం జరిగిన ఈ దాడుల్లో నర్సింగ్ ప్రిన్సిపాల్ సతీష్ కుమారి లంచం తీసుకుంటూ అడ్డంగా దొరికిపోయారు. జ్యోతి అనే ఉద్యోగి కి రిలీవింగ్ ఆర్థర్ ఇచ్చేందుకు సతీష్ కుమారి లంచం డిమాండ్ చేసింది. ఈ వ్యవహారంలో అక్కడి ట్యూటర్లు శోభారాణి, శారదలు పాలుపంచుకున్నారు. 
ఏసీబీ వలలో ముగ్గురు మహిళా ఉద్యోగులు

ముగ్గురూ లంచం డిమాండ్ చేయడంతో బాధితురాలు జ్యోతి ఏసీబీకి ఫిర్యాదు చేసింది. దాంతో రంగంలోకి దిగిన ఏసీబీ బృందం రూ  40 వేల రూపాయలు లంచం తీసుకుంటునప్పుడు రెడ్ హ్యండెడ్ గా ముగ్గురిని పట్టుకున్నారు.  ముగ్గురిని అదుపులోకి తీసుకుని ఏసీబీ కోర్టులో ప్రవేశపెడతామని అధికారులు వెల్లడించారు.

ఏసీబీ వలలో ముగ్గురు మహిళా ఉద్యోగులు

జమ్ముజనవరి 31  (globelmedianews.com)
ఎన్‌కౌంటర్‌లో ముగ్గురు ఉగ్రవాదులు హతమయ్యారు. ఈ ఘటన జమ్ము శివారు ప్రాంతం నగ్రోటాలోని టోల్‌ ప్లాజా వద్ద శుక్రవారం తెల్లవారుజామున చోటుచేసుకుంది. ఉగ్రవాదులు జరిపిన కాల్పుల్లో ఓ కానిస్టేబుల్‌ సైతం గాయపడ్డాడు. ట్రక్కులో ప్రయాణిస్తున్న ముగ్గురు సభ్యులుగా గల ఉగ్రవాదులు బృందం టోల్‌ప్లాజ్‌ సమీపంలోకి చేరుకునేసరికి ఒక్కసారిగా పోలీస్‌ టీంపై కాల్పులు జరిపారు. 
ఎన్‌కౌంటర్‌లో ముగ్గురు ఉగ్రవాదులు హతం

శ్రీనగర్‌కు చెందిన ట్రక్కును సోదాల నిమిత్తం పోలీసులు ఆపగా ఉగ్రవాదులు ఒక్కసారిగా కాల్పులకు తెగబడ్డారు. ప్రతిగా పోలీసులు సైతం కాల్పులు జరపడంతో సంఘటనా స్థలంలోనే ఓ ఉగ్రవాది మృతిచెందగా మరో ఇద్దరు సమీప అటవీ ప్రాంతంలోకి పారిపోయారు. గాలింపు చర్యలు చేపట్టిన భద్రతా సిబ్బంది మరికొన్ని గంటల్లోనే పారిపోయిన ఇద్దరు ఉగ్రవాదులను హతమార్చినట్లు జమ్ము ఐజీ ముఖేశ్ సింగ్ తెలిపారు.

ఎన్‌కౌంటర్‌లో ముగ్గురు ఉగ్రవాదులు హతం

ప్రజల ఆకాంక్షలకు అనుగుణంగా ప్రభుత్వం పని చేస్తుంది
370 అధికరణ రద్దు చరిత్రాత్మక నిర్ణయం
నిరసనల పేరుతో హింసకు పాల్పడటం సరికాదు
పార్లమెంటు ఉభయ సభల ఉద్దేశించి ప్రసంగించిన రాష్ట్రపతి
న్యూఢిల్లీ జనవరి 31 (globelmedianews.com)
నవభారత నిర్మాణమే ప్రభుత్వ లక్ష్యమని, దేశానికి, దేశాభివృద్ధికి ఈ దశాబ్దం ఎంతో కీలకమని రాష్ట్రపతి రామ్‌నాథ్ కోవింద్ అన్నారు. గాంధీజీ, నెహ్రూజీ కలలను ఆ దశాబ్దం నెరవేర్చనుందని పేర్కొన్నారు. రాజ్యాంగం మనకు మార్గదర్శకంగా నిలుస్తుందన్నారు. దేశ ప్రయోజనాలే కీలకమని, ఇందుకోసం అంతా కలిసికట్టుగా పనిచేయాలని పిలుపునిచ్చారు. బడ్జెట్ సమావేశాలు-2020 ప్రారంభం సందర్భంగా పార్లమెంటు ఉభయ సభల సమవేశాలను ఎంపీలను ఉద్దేశించి రాష్ట్రపతి ప్రసంగించారు. న్యూ ఇండియాకు ప్రజలు తీర్పు ఇచ్చారని, గత ఏడాది పలు చారిత్రక చట్టాలను ప్రభుత్వం తీసుకొచ్చిందని ఆయన చెప్పారు. 
నవభారత నిర్మాణమే ప్రభుత్వ లక్ష్యం

రాజ్యాంగం ప్రకారం, ప్రజల ఆకాంక్షలకు అనుగుణంగా ప్రభుత్వం పని చేస్తుందని భరోసా ఇచ్చారు. 'సబ్ కా సాత్...' లక్ష్యంతో ప్రభుత్వం ముందుకు వెళ్తోందని చెప్పారు. పార్లమెంటు సమావేశాలు గత సెషన్స్‌లో రికార్డు సృష్టించాయనీ, కీలక బిల్లులకు పార్లమెంటు ఆమోదం లభించిందని చెప్పారు. ముస్లిం మహిళలకు న్యాయం జరిగేలా ట్రిపుల్ తలాక్ చట్టాన్ని ప్రభుత్వం తెచ్చిందని అన్నారు. 370 అధికరణ రద్దు చరిత్రాత్మకమని అభివర్ణించారు. కశ్మీర్ అభివృద్ధి బాట పట్టిందని తెలిపారు. ప్రజల ఆకాంక్షలను అనుగుణంగానే ప్రభుత్వం కొత్త పథకాలు, కొత్త చట్టాలు తీసుకువచ్చిందన తెలిపారు.రామజన్మభూమిపై సుప్రీంకోర్టు ఇచ్చిన తీర్పుపై ప్రజలు చూపిన ఔన్నత్యం ప్రశంసనీయమని రాష్ట్రపతి కొనియాడారు.పౌరసత్వ సవరణ చట్టాన్ని (సీఏఏ) రాష్ట్రపతి ప్రస్తుతించారు. నిరసనల పేరుతో హింసకు పాల్పడటం వల్ల సమాజం, దేశం బలహీనపడుతుందని రాష్ట్రపతి రామ్‌నాథ్ కోహింద్ హితవు పలికారు. 'కలిసి మాట్లాడుకోవడం, చర్చల ద్వారా ప్రజాస్వామ్యం పటిష్టమవుతుందని తమ ప్రభుత్వం బలంగా నమ్ముతోంది. నిరసనల పేరుతో హింస ఏరూపంలో ఉన్నా అది సమాజాన్ని, దేశాన్ని బలహీన పరుస్తుంది' అని కోవింద్ అన్నారు. సీఏఏకు వ్యతిరేకంగా జామియా ఏరియాలో గురువారంనాడు నిరసన తెలిపిన విద్యార్థులపై సాయుధుడు ఒకరు కాల్పులు జరిపిన నేపథ్యంలో రాష్ట్రపతి ఈ వ్యాఖ్యలు చేయడం ప్రాధాన్యం సంతరించుకుంది.పౌరసత్వ సవరణ చట్టాన్ని (సీఏఏ) తన ప్రసంగంలో ప్రస్తావిస్తూ, అందరికీ సమాన హక్కులు ఇవ్వడం ప్రభుత్వ బాధ్యత అని అన్నారు. సీఏఏతో గాంధీజీ కలలు నిజమయ్యాయని అన్నారు. రాష్ట్రపతి వ్యాఖ్యలపై అధికార పార్టీ సభ్యులు బల్లలు చరుస్తూ హర్షాతిరేకాలు వ్యక్తం చేయగా, విపక్ష బెంచీల నుంచి నిరసనలు వ్యక్తమయ్యాయి.

నవభారత నిర్మాణమే ప్రభుత్వ లక్ష్యం

విజయవాడ జనవరి 30 (globelmedianews.com)
పార్టీ ఆలోచనలు తన ఆలోచనలకు భిన్నంగా ఉన్నందువల్లే ఎమ్మెల్సీ పదవికి రాజీనామా చేశానని మాజీ ఎమ్మెల్సీ డొక్కా మాణిక్య వర ప్రసాద్ తెలిపారు. అయితే అమరావతి రైతుల బాధలను స్వయంగా చూశానని, 
టిడిపి భిన్న వైఖరి వల్లే బయటకు వచ్చా: డొక్కా

వారికి అండగా ఉంటానని స్పష్టం చేశారు.పార్టీకి తనకు మధ్య విభేదాలు ఎక్కడ వచ్చాయో స్పష్టంగా చెప్పలేదు కానీ మిగతా విషయాలన్నీ త్వరలోనే తెలుస్తాయని ఆయన వ్యాఖ్యానించారు. శాసనమండలిని రద్దు చేయడం దురదృష్టకరమని ఆయన అన్నారు. మండలి అనేది ఒక వ్యవస్థ అని దాన్ని రద్దు చేయడం కరెక్టు కాదని ఆయన అన్నారు.

టిడిపి భిన్న వైఖరి వల్లే బయటకు వచ్చా: డొక్కా

హైదరాబాద్ జనవరి 30 (globelmedianews.com)
భారత దేశ సామాజిక పరిస్థితులపై ఢిల్లీ లో ఫిబ్రవరి 18న జరిగే ధర్మ దీక్ష కరపత్రాలను మాజీ ముఖ్యమంత్రి నాదెండ్ల భాస్కర్ రావు నేడు విడుదల చేశారు. ఈ సందర్బంగా ఆయన మాట్లాడుతూ భారతదేశంలో త్యాగదనుల త్యాగాలు వెక్కిరించే పరిస్థితి ఏర్పడిందని, కావున సామాజిక పరిస్థితులు మెరుగు పడాలని తెలుపుతూ ఆశీర్వదించారు. 
 ఫిబ్రవరి 18న ఢిల్లీ లో సామాజిక పరిస్థితులపై ధర్మ దీక్ష    

సామాజిక తెలంగాణ రాష్ట్ర సమితి వ్యవస్థాపక రాష్ట్ర అధ్యక్షులు పోకల కిరణ్ కుమార్ మాట్లాడుతూ దేశ వ్యాప్తంగా వేలాది మంది మన మెంతో మన వాటా అంతని కదిలిరావాలని కోరుకుంటున్నారని అన్నారు. ఈ కార్యక్రమంలో సామాజిక తెలంగాణ రాష్ట్ర సమితి గౌరవ అధ్యక్షులు గొల్లపల్లి దయానందరావు, ప్రముఖ విద్యావంతులు 126డిగ్రీస్ గిన్నిస్ బుక్ ఆఫ్ వరల్డ్ అవార్డు గ్రహీత పి జె సుధాకర్, సోషల్ జస్టిస్ ఫర్ ఇండియన్ లాయర్స్  అసోసియేషన్ అధ్యక్షుడు  యన్ యస్ యాదవ్, లాయర్ శ్రీరాములు తదితరులు పాల్గొన్నారు..

ఫిబ్రవరి 18న ఢిల్లీ లో సామాజిక పరిస్థితులపై ధర్మ దీక్ష