1940లో ఒక గ్రామం, కమలతో నా ప్రయాణం వంటి పలు అవార్డు చిత్రాల దర్శకుడిగా నరసింహ నందికి ఓ ప్రత్యేక పేరుంది. కాగా  శ్రీ లక్ష్మీ నరసింహ సినిమా పతాకంపై ఆయన స్వీయ  దర్శకత్వంలో తాజాగా తెరకెక్కిన చిత్రం డిగ్రీ కాలేజ్, వరుణ్, దివ్యారావు హీరోహీరోయిన్లు. ఇప్పటికే సెన్సార్ కార్యక్రమాలను సైతం పూర్తి చేసుకున్న ఈ చిత్రాన్ని ఫిబ్రవరి 7న విడుదల చేయనున్నామని దర్శకుడు నరసింహ నంది తెలిపారు. ఇంతవరకు నేను తీసిన చిత్రాలకు భిన్నంగా ఆర్ట్ జోనర్లో కాకుండా కమర్షియల్ అంశాలను మేళవించి దీనిని తీసాను. 
ఫిబ్రవరి 7న  ప్రేక్షకుల ముందుకు డిగ్రీ కాలేజ్

ఇద్దరు డిగ్రీ కాలేజీ స్టూడెంట్స్ మధ్య క్లాసురూమ్ లోను, అలాగే బయట అంకురించిన యదార్ధ ప్రేమ సంఘటనల ఆధారంగా సహజత్వానికి దగ్గరగా ఈ చిత్రాన్ని రూపొందించాం. రొమాన్స్ అంశాలు కధకు అనుగుణంగా జోడించాం. ఆ మధ్య విడుదల చేసిన ఈ చిత్రం  ట్రైలర్స్ కు విశేషమైన స్పందన లభించడమే కాకుండా సోషల్ మీడియాలో ట్రెండింగ్ అయ్యాయి. తప్పకుండా మా అంచనాలను చిత్రం నిలబెడుతుంది అని అన్నారు.ప్రముఖ డిస్ట్రిబ్యూటర్ బాపిరాజు మాట్లాడుతూ, ప్రేమ, రొమాన్స్ మాత్రమే కాదు భావోద్వేగ భరితమైన అంశాలు ఈ చిత్రంలో వున్నాయి. అవి నన్నెంతో ఆకట్టుకున్నాయి. అందుకే ఈ చిత్రాన్ని నా ఆధ్వర్యంలో విడుదల చేయదలచుకున్నాను అని అన్నారు. వరుణ్, దివ్యారావు హీరోహీరోయిన్లుగా నటించిన ఈ చిత్రంలోని ఇతర పాత్రలలో దువ్వాసి మోహన్, ఆర్.కె., రవిరెడ్డి, మల్లేష్, బద్దల హరిబాబు, జయవాణి. మై విలేజ్ షో అనిల్, శ్రీనివాస్ తదితరులు తారాగణం. ఈ చిత్రానికి సినిమాటోగ్రఫీ: మురళీమోహన్ రెడ్డి, సంగీతం: సునీల్ కశ్యప్, ఆర్ట్: బాబ్జి, ఎడిటింగ్: నాగిరెడ్డి, నిర్మాణం: శ్రీ లక్ష్మి నరసింహ సినిమా పతాకం. రచన, దర్శకత్వం: నరసింహ నంది.

ఫిబ్రవరి 7న ప్రేక్షకుల ముందుకు డిగ్రీ కాలేజ్

జిల్లా కలెక్టర్‌ జి. వీరపాండియన్.
కర్నూలు, జనవరి 25  (globelmedianews.com)
18 ఏళ్లు నిండిన ప్రతి ఒక్కరూ ఓటరుగా నమోదు చేసుకోవడమేగాక, తోటి వారితో ఓటు హక్కు ప్రాధాన్యతను తెలిపి ఓటరుగా నమోదు చేయించాలని జిల్లా కలెక్టరు జి. వీరపాండియన్ పిలుపునిచ్చారు. స్థానిక కలెక్టరేట్ సునయన ఆడిటోరియంలో శనివారం పదవ జాతీయ ఓటర్ల దినోత్సవం అవగాహన కార్యక్రమంతో పాటు జిల్లాస్థాయి ఉత్సవములు ఘనంగా నిర్వహించారు. కార్యక్రమానికి ముఖ్య అతిథులుగా జిల్లా కలెక్టర్‌ జి వీరపాండియన్, జాయింట్ కలెక్టర్ 2 సయ్యద్ ఖాజా మోహిద్దీన్,  డిఆర్ఓ పుల్లయ్య, డిఆర్డిఏ పిడి శ్రీనివాసులు, మెప్మా తిరుమలేశ రెడ్డి,  సీఈఓ నాగరాజు నాయుడు, వై ఎస్ ఆర్ సి పి నాయకులు తోట కృష్ణారెడ్డి, సిపిఐ నాయకులు శ్రీనివాసరావు, రామాంజనేయులు, సిపిఎం నాయకులు షడ్రక్, సమాచార పౌర సంబంధాల శాఖ ఉపసంచాలకులు తిమ్మప్ప, జిల్లాస్థాయి అధికారులు పాల్గొన్నారు. 
అర్హత వున్న ప్రతి ఒక్కరూ ఓటు నమోదు చేసుకోవాలి

భారత ప్రధాన ఎన్నికల అధికారి సునీల్ అరోరా ఎల్ఈడి స్క్రీన్ ద్వారా జాతీయ ఓటర్ల దినోత్సవం పురస్కరించుకొని ఓటర్లకు సందేశం ఇచ్చారు. కుల, మత, జాతి, వర్గ భాషలకు ఎలాంటి వత్తిడులకు ప్రభావితం కాకుండా ఎన్నికల్లో నిర్భయంగా ఓటును వినియోగించుకుంటామని హాజరైన సభికులచే డిఆర్ఓ పుల్లయ్య  ప్రతిజ్ఞ చేయించారు. ఈ సందర్భంగా జిల్లా కలెక్టర్ మాట్లాడుతూ ప్రతి ఒక్కరు ప్రజాస్వామ్య విలువలను గౌరవించడం తోపాటు సంస్కృతిని పాటించాలన్నారు. అలాగే ప్రజాస్వామ్యంలో హక్కులను అందరూ వినియోగించుకొని తమ బాధ్యతను మరవకూడదు అన్నారు. మంచి ఆలోచనతో దూరదృష్టి దృష్టిలో పెట్టుకొని మంచి నాయకున్ని ఎన్నుకోవాలి అన్నారు. ప్రతి ఒక్కరూ ఓటు హక్కు విలువను తెలుసుకోవాల్సిన అవసరం ఎంతైనాఉందన్నారు. ప్రభుత్వాలను ఎన్నుకునే బాధ్యత కూడా ఓటరుకు మాత్రమేవుంటుందన్నారు. అనంతరం జాయింట్ కలెక్టర్ 2 సయ్యద్ ఖాజా మోహిద్దీన్ మాట్లాడుతూ ప్రజాస్వామ్యంలో ఓటర్ తన ఓటు నిర్భయంగా తమకు నచ్చిన వారికి ఓటు వేసి ఎన్నుకోవాలి అన్నారు. కుల, మతాలకు అతీతంగా ఓటు వేయాలన్నారు. ప్రజాస్వామ్యంలో ఓటుహక్కు వజ్రాయుధం లాంటిదన్నారు. ఓటు ఉన్న ప్రతి ఒక్కరూ హక్కును సద్వినియోగం చేసుకోవాలన్నారు. దేశ పౌరులకు మన రాజ్యాంగం కల్పించిన హక్కు ఓటు అన్నారు. అదేవిధంగా డిఆర్ఓ పుల్లయ్య మాట్లాడుతూ భారత ఎన్నికల సంఘం 1950 జనవరి 25న ఏర్పాటైందన్నారు. 1952 నుంచి భారత ఎన్నికల సంఘం సమర్థవంతంగా ఎన్నికలను నిర్వహిస్తూ అన్ని దేశాల మన్ననలను పొందిందన్నారు. 2011 నుంచి జాతీయ ఓటర్ల దిననోత్సవాన్ని మనం నిర్వహిస్తూ ఓటర్లలో అవగాహన పెంచుతున్నామన్నారు.
ఇప్పటి వరకు క్రమం తప్పకుండా ఓటు హక్కును వినియోగించుకుంటున్న సీనియర్‌ సిటిజన్ లను జిల్లా కలెక్టర్ సన్మానించారు. అనంతరం 18 ఏళ్లు నిండి కొత్తగా ఓటరుగా నమోదు చేసుకున్న యువతకు ఎపిక్‌ కార్డులను అందజేశారు. ఓటు ప్రాధాన్యతపై నిర్వహించిన జిల్లాస్థాయి,  వ్యాసరచన, వక్తృత్వ పోటీలు తో పాటు సాంస్కృతిక కార్యక్రమాల్లో ప్రతిభ చూపిన విద్యార్థినీ, విద్యార్థులకు జిల్లా కలెక్టర్ బహుమతులను ప్రదానం చేసారు.

అర్హత వున్న ప్రతి ఒక్కరూ ఓటు నమోదు చేసుకోవాలి

ఒంగోలు, జనవరి 25, (globelmedianews.com):
ప్రజాస్వామ్యాన్ని పరిక్షించుకోవాల్సిన బాధ్యత పౌరులందరి పై ఉందని జిల్లా రెవిన్యూ అధికారి వి.వెంకట సుబ్బయ్య చెప్పారు. జాతీయ ఓటర్ల దినోత్సవం సందర్భంగా శనివారం స్థానిక ప్రకాశం  భవనం నుంచి ఏర్పాటు చేసిన ర్యాలీని ఆయన ప్రారంభించారు. అనంతరం చర్చి సెంటర్ లో  విద్యార్ధులతో పెద్ద ఎత్తున మానవ హరం నిర్వహించారు. రాజ్యాంగంలో ప్రతి పౌరుడికి ఓటు హక్కు కల్పించడం  అభినందనీయమని ఆయన అన్నారు.  ప్రజాస్వామ్యంలో ఎన్నికలు ఉన్నా లేకపోయినా ప్రతి ఏటా ఓటర్ల జాబితా సవరించడం ఆనవాయితిగా వస్తుందని అని చెప్పారు. 
ఒంగోలు లో ఓటర్ల దినోత్సవ ర్యాలీ

18 సంవత్సరాలు నిండిన ప్రతిపౌరుడికి ఓటు హక్కు  ఉండాలని ఆయన అన్నారు. పిబ్రవరి 14 తేదిన ఓటర్ల తుది జాబితా ప్రచురించి, విడుదల చేయనున్నట్లు ఆయన తెలిపారు.  ఓటర్లకు అవగాహన కల్పించడానికి కేంద్ర  ప్రభుత్వం విశేషంగా కృషిచేస్తుందన్నారు. అనర్హులు ఉంటే తొలగించడం, మృతుల పేర్లను ఓటర్ల జాబితా నుంచి తొలగించి  పెద్ల ఎత్తున సవరణ  ప్రక్రియ  చేపడుతున్నట్లు ఆయన వివరించారు. ఓటర్లంతా ప్రభుత్వం కల్పించే అవకాశాలను  సద్వినియోగం చేసుకోవాలని,  ఓటు హక్కు కోసం ఈ.ఆర్.ఓ.లకు లేదా తహసిల్ధార్లకు దరఖాస్తు చేసుకోవాలని ఆయన అన్నారు.కార్యక్రమంలో భూ సేకరణ ప్రత్యేక కలెక్టర్ జి.గంగాధర్ గౌడ్, ఒంగోలు ఆర్.డి.ఓ ప్రభాకర్  రెడ్డి, డి.ఆర్.డి.ఎ.పి.డి.జె ఎలీషా, జిల్లా విద్యాశాఖ అధికారి వి.ఎస్.సుబ్బారావు, మోప్మా పి.డి.కె.కృపా రావు, కలెక్టరేట్ హెచ్ విభాగం పర్యవేక్షకులు సి.హెచ్. శ్రీనివాసరావు, మహిళలు, యువతీ యువకులు పాల్గొన్నారు.  

ఒంగోలు లో ఓటర్ల దినోత్సవ ర్యాలీ

విజయవాడ, జనవరి 24, (globelmedianews.com)
ఆంధ్రప్రదేశ్ ముఖ్యమంత్రిగా బాధ్యతలు స్వీకరించిన వైఎస్ జగన్ నవతర్నాలు, కొత్త పథకాలపై ఫోకస్ పెట్టారు. ఇచ్చిన హామీలను ఒక్కొక్కటిగా నెరవేరుస్తున్నారు. ఇప్పటి వరకు పథకాలు, పాలనాపరమైన అంశాలపై ఫోకస్ పెట్టిన జగన్.. ఇక ప్రజల్లోకి వెళ్లాలని భావిస్తున్నారు. తన తండ్రి బాటలో రచ్చబండ తరహాలో కొత్త కార్యక్రమానికి శ్రీకారం చుట్టాలని భావిస్తున్నారు.. ఈ మేరకు రూట్ మ్యాప్‌ను సిద్ధం చేసుకునే పనిలో ఉన్నారు.రాష్ట్రవ్యాప్తంగా గ్రామాల్లో పర్యటించాలని ముఖ్యమంత్రి భావిస్తున్నారు. అధికారులతో సమీక్ష నిర్వహించిన జగన్.. ఫిబ్రవరి నుంచి గ్రామాలకు వెళ్లాలని నిర్ణయించారు. 
ఫిబ్రవరి 1 నుంచి జగన్ గ్రామ బాట

ఈ పర్యటనల్లో ప్రధానంగా ప్రజల ఆకాంక్షలు ఎలా ఉన్నాయి.. పథకాల అమలు తీరు.. స్థానికంగా ఉన్న సమస్యల్ని స్వయంగా తెలుసుకోవాలని భావిస్తున్నారు. ఆ సమస్యల్ని పరిష్కరించడంతో పాటూ ఏవైనా హామీలు ఇస్తే.. వాటిని కచ్చితంగా అమలు చేసేలా అధికారులకు దిశా నిర్దేశం చేయనున్నారు.2009లో దివంగత దివంగత ముఖ్యమంత్రి వైఎస్ రాజశేఖర్ రెడ్డి కూడా ఇలా గ్రామాల్లో పర్యటించేందుకు సిద్ధమయ్యారు. రచ్చబండ పేరుతో వినూత్న కార్యక్రమానికి శ్రీకారం చుట్టాలని భావించారు. చిత్తూరు జిల్లాలో ఈ కార్యక్రమాన్ని ప్రారంభించేందుకు వెళుతున్న సమయంలో.. కర్నూలు జిల్లాలో జరిగిన హెలికాప్టర్ ప్రమాదంలో చనిపోయారు. మళ్లీ ఇప్పుడు ముఖ్యమంత్రి జగన్ కూడా అదే బాటలో గ్రామాల పర్యటనకు సిద్ధమయ్యారు.

ఫిబ్రవరి 1 నుంచి జగన్ గ్రామ బాట

హైదరాబాద్ జనవరి 25 (globelmedianews.com)
ప్రొ.కాసీంను తక్షణమే విడుదల చేయాలని డిమాండ్ చేస్తూ ఓయూ విద్యార్థి సంఘాల ఆధ్వర్యంలో శుక్రవారం  ఓయూ లోని అర్ట్స్ కాలేజ్, సైన్స్ కాలేజ్, పరిపాలన భవనం, పరీక్షల విభాగం, లైబ్రరీ, ఇంజినీరింగ్, టెక్నాలజీ, లా, ఏ ఎం ఎస్ కాలేజ్ లు స్వచ్ఛందగా బంద్ పాటించారు. ఈ సందర్భంగా విద్యార్థి నాయకులు మాట్లాడుతూ ప్రశ్నించే గొంతులను అణచివేసే కుట్రలో భాగంగానే ప్రొఫెసర్ కాశీం అరెస్ట్ చేసారని ఆరోపించారు. నిరంతరం విద్యార్థుల తరపున మాట్లాడుతూ, సామాజిక సమస్యల పట్ల స్పృహ కలిగి ఉండి నిత్యం ప్రజలతోనూ, విద్యార్థులతోను నడుస్తున్న వ్యక్తి ప్రొఫెసర్ కాశీం అని పేర్కొన్నారు. 
ఓయూలో బంద్

నిరుద్యోగం, విద్యా వ్యవస్థ పతనం, కుల వ్యవస్థ, విశ్వవిద్యాలయంలో జరుగుతున్న అణచివేతలకు వ్యతిరేకంగా మాట్లాడుతున్నందు వల్లే ఆయనపై ప్రభుత్వం కక్ష సాధింపులకు దిగిందని, తక్షణమే ప్రభుత్వం ప్రొఫెసర్ కాశీం పై పెట్టిన ఊపా కేసులను ఎత్తివేసి ఆయనును విడుదల చేయాల్సిందిగా ప్రభుత్వాన్ని డిమాండు చేసారు.ఈ కార్యక్రమంలో ఏ ఐ ఎస్ ఎఫ్ కాంపల్లి శ్రీనివాస్,ఎస్ఎఫ్ఐ రవినాయక్ , పి డి ఎస్ యూ జ్యోతి,రంజిత్,టి వి వి గోపి,ఎం ఎస్ ఎఫ్ కొమ్ము శేఖర్ , టి ఎస్ యూ కృష్ణ మాదిగ,ఎం ఎస్ ఎఫ్-టి ఎస్ తిరుమల్లేశ్ ,డి ఎస్ యూ జనార్దన్,పి డి ఎస్ యూ(వి) సృజన్,బిఎస్ఎఫ్  బొర్రెలి సురేష్,సి ఎం ఎస్ సాహితి తదితరులు,విద్యార్థులు పాల్గొన్నారు.

ఓయూలో బంద్

భూదాన్ పోచంపల్లి జనవరి 25 (globelmedianews.com)
తెలంగాణ రాష్ట్ర ప్రభుత్వం ప్రవేశపెట్టిన గొర్రెల మేకల ఉచిత నట్టల నివారణ కార్యక్రమాన్ని పోచంపల్లి మండల కేంద్రంలోనిజిబ్లాక్పల్లి గ్రామంలో శుక్రవారంనాడు నిర్వహించారు. ఈ కార్యక్రమంలో గ్రామ సర్పంచ్ చిన్న లచ్చి లింగస్వామి ప్రారంభించారు. ఈ సందర్భంగా ఆయన మాట్లాడుతూ సకాలంలో నట్టల మందు వేయించి ఇతర వ్యాధుల పట్ల జాగ్రత్తగా ఉండాలని సూచించారు. 
గొర్రెలకు నట్టల నివారణ మందుల పంపిణీ

గొర్రెల కాపలాదారుడు అప్రమత్తంగా ఉండాలని కోరారు. ఎలాంటి గొర్రెల మేకల వ్యాధి వచ్చిన తక్షణమే మందులు వేసి వాటిని కాపాడుకోవాలని కోరారు. ఈ కార్యక్రమంలో గ్రామ ఉపసర్పంచ్ లింగస్వామి మండల పశువైద్యాధికారి డాక్టర్ శ్రీనివాస్ సిబ్బంది రమేష్ నాగేందర్ శ్యామ్ మల్లయ్య ముత్యాలు తదితరులు పాల్గొన్నారు.

గొర్రెలకు నట్టల నివారణ మందుల పంపిణీ

వరంగల్, జనవరి 24 (globelmedianews.com)
ఆసియాలోనే అతిపెద్ద జాతరగా పేరొందిన సమ్మక్క-సారలమ్మ జాతర ప్రారంభానికి ముందే జనం భారీగా మేడారం తరలి వెళ్తున్నారు. జాతర సమయంలో భారీగా రద్దీ ఉంటుందనే అంచనాలతో ముందే అక్కడికి వెళ్లి మొక్కులు తీర్చుకుంటున్నారు. దీంతో మేడారం పరిసర ప్రాంతాల్లో జన సమ్మర్థం పెరిగిపోతోంది. ముఖ్యంగా ఆదివారం నాడు లక్షల్లో భక్తులు మేడారం వెళ్తున్నారు. ఫిబ్రవరి 5న జాతర ప్రారంభం కానుండగా.. ఇప్పటికే దాని ప్రభావం కనిపిస్తోంది. మేడారం జాతర పుణ్యమా అని మటన్ ధరలకు రెక్కలొచ్చాయి. తలసరి మాంసం వినియోగం పెరగడం కూడా ధరల పెరుగుదలకు కారణం అవుతోంది.సంక్రాంతి పండుగ సమయంలో కిలో మటన్ రూ.600 పలకగా.. ఇప్పుడు రూ.650-రూ.680 మధ్య పలుకుతోంది. ఇక బోన్‌లెస్ మటన్ ధర కొన్ని చోట్ల కిలో రూ.800 దాటేసింది. 
భారీగా పెరిగిన మటన్ ధరలు

పట్టణాల్లోనే కాదు.. గ్రామీణ ప్రాంతాల్లోనూ ఇదే పరిస్థితి కనిపిస్తోంది. టోకుగా కొనుగోలు చేస్తే కిలో మటన్ రూ.500కు లభిస్తోంది. కిలో చొప్పున కొనాలంటే రూ.600 వరకు వెచ్చించాల్సిన పరిస్థితి.జాతర ప్రభావంతో జనం భారీగా గొర్రెలు, మేకలను కొనుగోలు చేస్తున్నారు. దీంతో సంతల్లో జీవాల ధరలు ఆకాశాన్ని అంటుతున్నాయి. 7-8 కిలోల బరువు తూగే మేకకు రూ.10 వేలు చెబుతున్నారు. అయినప్పటికీ మొక్కులు తీర్చుకోవడం కోసం మేకలను, గొర్రెలను కొనుగోలు చేయక తప్పడం లేదని జనం చెబుతున్నారు.మటన్ ధరల పెరుగుదలపై జాతర ప్రభావం కనిపిస్తోన్నప్పటికీ.. సగటు వినియోగం పెరగడం కూడా దీనికి కారణంగా చెప్పొచ్చు. జాతీయ పోషకాహార సంస్థ లెక్కల ప్రకారం ఒక వ్యక్తి ఏడాదిలో 12 కిలోల మాసం తినాలి. దేశంలో తలసరి మాంసం వినియోగం 3.2 కిలోల వరకు ఉంటే.. తెలంగాణలో అది 9 కిలోలపైనే ఉంది. ముఖ్యంగా గొర్రె మాంసం తినడానికి తెలంగాణ ప్రజానీకం మొగ్గు చూపుతున్నారని జాతీయ పోషకాహార సంస్థ అధ్యయనంలో తేలింది. ఏపీలో సగటు మాంసం వినియోగం ఏపీలో 7 కిలోలుగా ఉంది.తెలంగాణ ప్రభుత్వం యాదవులకు భారీ సంఖ్యలో ఉచితంగా గొర్రెలను పంపిణీ చేసింది. తెలంగాణలో గడిచిన ఏడాదిలోనే మాంసం వినియోగం దాదాపు 49శాతం పెరిగింది. డిమాండ్ ఇంతలా పెరగడంతో.. పొరుగు రాష్ట్రాల నుంచి గొర్రెలను దిగుమతి చేసుకోవాల్సి వస్తోంది. తెలంగాణలో రోజుకు సగటున 50 వేల గొర్రెలను కోస్తున్నారు. ఇతర ప్రాంతాలతో పోలిస్తే.. గొర్రె మాంసం వినియోగం హైదరాబాద్‌లో ఎక్కువగా ఉంది.

భారీగా పెరిగిన మటన్ ధరలు