పార్లమెంట్ లో టీడీపీ ఎంపీల నిరసన

 

న్యూఢిల్లీ ,ఆగష్టు 11 (globelmedianews.com)
విభజన హామీల కోసం టీడీపీ ఎంపీల పోరాటం కొనసాగుతోంది. ఇవాళ కూడా ఎంపీలు పార్లమెంట్ ఆవరణలో ధర్నా చేపట్టారు. ఏపీకి న్యాయం చేయాలంటూ ప్లకార్డులతో ఆందోళన చేశారు. విచిత్ర వేషాలతో నిరసన తెలిపే చిత్తూరు ఎంపీ శివప్రసాద్ ఇవాళ హిజ్రా వేషంలో కనిపించారు. రోజూ వేషాలు వేసి నిరసన తెలియజేసినా ప్రధాని మనసు కరగలేదన్నారు శివప్రసాద్. అందుకే ఇప్పుడు ఈ వేషం వేయాల్సి వచ్చిందన్నారు.
పార్లమెంట్ సమావేశాల సందర్భంగా రోజుకో వేషధారణతో ఏపీకి జరిగిన అన్యాయాన్ని వ్యంగ్యంగా వివరిస్తున్న చిత్తూరు టీడీపీ ఎంపీ శివప్రసాద్ ఇవాళ ట్రాన్స్‌జెండర్ వేషధారణలో పార్లమెంట్ ప్రాంగణంలో కనిపించి అందరినీ ఆశ్చర్యానికి గురిచేశారు. కాంగ్రెస్ మాజీ అధ్యక్షురాలు సోనియా గాంధీ పార్లమెంట్‌ లోపలికి వెళుతుండగా ట్రాన్స్‌జెండర్ వేషధారణలో ఉన్న శివప్రసాద్ ఆమెకు తారసపడ్డారు. దీంతో సోనియా చిత్తూరు ఎంపీని పలకరించారు. నమస్కరించి కొద్దిసేపు ముచ్చటించారు. అయితే ఎంపీ శివప్రసాద్‌ వేషధారణ చూసి సోనియా గాంధీ కూడా తొలుత అవాక్కయ్యారు.
 
 
 
పార్లమెంట్  లో టీడీపీ ఎంపీల నిరసన
 
‘మోదీ బావా.. మాటలెన్నో చెప్పావు.. చేతల్లో ఏమీ చూపించలేదు.. ప్రత్యేక హోదా ఇవ్వవా.. ఇదే అంతం ఆరంభం’ అంటూ చమత్కరించారు. మరోవైపు విచిత్ర వేషాలతో నిరసన తెలుపుతున్న శివప్రసాద్‌ను కాంగ్రెస్ మాజీ అధ్యక్షురాలు సోనియా, ఆ పార్టీ సీనియర్ నేత గులాంనబీ ఆజాద్‌లు అభినందించారు. 
18 రోజులుగా ఆందోళన చేస్తున్నా కేంద్రం కనీసం స్పందించకపోవడం దారుణమని ఎంపీలు మండిపడ్డారు. అప్పుడు కాంగ్రెస్ ఏపీకి అన్యాయం చేస్తే.. ఇప్పుడు బీజేపీ కూడా అదే చేస్తోందన్నారు. పార్లమెంట్‌లో కూడా అవకాశం వచ్చిన ప్రతిసారీ కేంద్రాన్ని నిలదీస్తున్నామని.. కాని ప్రధాని, కేంద్రమంత్రులు నిద్రపోతున్నట్లు నటిస్తున్నారని విమర్శించారు. ఇలా నటించే వాళ్లను ఏమీ చేయలేమని.. కేంద్రం ఉలిక్కిపడేలా పిడుగులు పడతాయని హెచ్చరించారు.

No comments:
Write comments