ఖమ్మం నుంచి రాహుల్

 

 న్యూఢిల్లీ, ఫిబ్రవరి 6, (globlmedianews.com)
తెలంగాణ ణ కాంగ్రెస్ నాయకులు ఏఐసీసీ అధ్యక్షుడు రాహుల్ గాంధీని న్యూఢిల్లీలో కలిశారు. ఈ సందర్భంగా పొంగులేటి సుధాకర్ రెడ్డి మాట్లాడుతూ.. ఖమ్మం నుంచి ఎంపీగా పోటీ చేయాలని రాహుల్ గాంధీని కోరారు. దీనికి రాహుల్ గాంధీ నవ్వుతూ చూద్దాం.. లే అని బదులిచ్చారు. రాహుల్ ఈసారి అమేథీతోపాటు ఖమ్మం నుంచి కూడా పోటీ చేయాలని కోరగా.. నవ్వుతూ సరే అన్నారని పొంగులేటి తెలిపారు. సమన్వయ లోపం కారణంగా ఓడామన్న ఆయన.. టీడీపీతో పొత్తు దెబ్బతీసిందన్నారు. రాష్ట్ర పార్టీకి పూర్తి స్వేచ్ఛనిస్తే ప్రాంతీయ పార్టీలను దీటుగా ఎదుర్కోగలమన్నారు.


ఖమ్మం నుంచి రాహుల్

 పార్టీలో నలుగురు వర్కింగ్ ప్రెసిడెంట్లు ఉండాల్సిన అవసరం లేదని సుధీర్ రెడ్డి రాహుల్‌కు తెలిపారు. దీని వల్ల నష్టమే కానీ లాభం లేదని ఆయన కాంగ్రెస్ అధినేతతో చెప్పారు. ఉపాధ్యక్ష పదవులను అర్హత లేని వారికి ఇస్తున్నారని ఆయన ఆవేదన వ్యక్తం చేశారు. టిక్కెట్లు ఇవ్వడంలో జాప్యం వల్లే తెలంగాణ అసెంబ్లీ ఎన్నికల్లో పార్టీకి నష్టం చేసిందని ఎమ్మెల్యే కోమటిరెడ్డి రాజగోపాల్ రెడ్డి రాహుల్‌కు తెలిపారు. అభ్యర్థులను ముందే ప్రకటిస్తే బాగుండేదని ఆయన అభిప్రాయపడ్డారు. కేసీఆర్ ప్రవేశపెట్టిన పథకాలు కూడా టీఆర్ఎస్‌కు కలిసి వచ్చాయన్నారు.

No comments:
Write comments