మార్చి 8 నుంచి మిసెస్ సుబ్బలక్ష్మీ

 

హైద్రాబాద్ మార్చి 5 (globelmedianews.com)
డైలాగ్ కింగ్ మంచు మోహన్బాబు తనయ మంచు లక్ష్మి తనకంటూ ప్రత్యేక గుర్తింపును సంపాదించుకున్నారు. వెండితెర, బుల్లితెర ద్వారా తెలుగు ప్రేక్షకులకు చేరువైన  మంచు లక్ష్మి.. ఇప్పుడు వెబ్ సిరీస్ ద్వారా డిజిటల్ ఆడియెన్స్ని కూడా ఎంటర్టైన్ చేయడానికి సిద్ధమయ్యారు. మిసెస్ సుబ్బలక్ష్మి పేరుతో రూపొందించిన వెబ్ సిరీస్ లో  మంచు లక్ష్మి టైటిల్ రోల్ ప్లే చేశారు. తొలిసారిగా మంచు లక్ష్మి వెబ్ సిరీస్ ద్వారా ఆడియెన్స్ ముందుకు రానున్నారు. మార్చి 8 నుంచి జీ5  యాప్ ద్వారా మిసెస్ సుబ్బలక్ష్మి ఎపిసోడ్స్ని వీక్షించొచ్చు. మొత్తం 10 ఎపిసోడ్లలో ఈ సిరీస్ పూర్తవుతుంది. 


 మార్చి 8 నుంచి మిసెస్ సుబ్బలక్ష్మీ

ఈ వెబ్ సిరీస్కు వంశీ దర్శకత్వం వహించారు. శ్రీనివాస్ అవసరాల, వేణు టిల్లు,  మహేష్ విట్ట, సుదర్శన్, జబర్దస్త్ అప్పారావ్, చిత్రం శ్రీను కీలక పాత్రలు పోషించారు. భర్త తనతో సమయం గడపకపోవటం, ప్రేమని పంచకపోవటంతో తనతో తానే ఒక 
స్వేచ్ఛాయుతమైన జీవితం గడపాలనుకునే భార్య పాత్రలో మంచు లక్ష్మి నటించారు. తనకు నచ్చినట్టుగా, తాను మెచ్చినట్టుగా జీవితాన్ని గడుపుతున్న క్రమంలో ఓ అనుకోని సంఘటన ఆమె జీవితాన్ని మలుపు తిప్పుతుంది. ఇంతకూ ఆమె జీవితం ఎలాంటి మలుపులు తిరిగింది, తాను అనుకున్న జీవితాన్ని అనుభవించగలిగిందా, మిసెస్  సుబ్బలక్ష్మి అనుకున్నది సాధించిందా లేదా అనే విషయాలు తెలియాలంటే మార్చి 8 వరకు ఆగాల్సిందే. ప్రేక్షకులను ఆద్యంతం ఉత్కంఠకు గురిచేస్తూ, బోలెడన్ని ట్విస్టులు, వినోదంతో సాగే విధంగా ఈ సిరీస్ను రూపొందించామని జీ5 నెట్వర్క్ ప్రతినిధి వెల్లడించారు. ప్రపంచ మహిళా దినోత్సవం వసందర్భంగా మార్చి 8న విడుదల  చేస్తున్నామన్నారు. 

No comments:
Write comments