కళ్లముందే జరుగుత్నానా..! (మెదక్)

 

మెదక్, మార్చి 19 (globelmedianews.com): 
ఇసుక వ్యాపారానికి అడ్డూఅదుపూ లేకుండా పోయింది. ఆర్డీవో, తహసీల్దార్‌ కార్యాలయాలకు కూతవేటు దూరంలోనే దర్జాగా ఇసుకను ఫిల్టర్‌ చేస్తూ మూడింతల రవాణాలు ఆరింతల కుప్పల ఇసుక అక్రమ వ్యాపారాన్ని కొనసాగిస్తున్నారు. పలుకుబడి గల వ్యక్తులు కావడంతో అధికారులు వారి జోలికి వెళ్లడం లేదని స్థానికులు విమర్శిస్తున్నారు. అధికారులు ధైర్యం చేసి పట్టుకున్నా ‘మనోడే వదిలేయండం’టూ పెద్దల నుంచి ఫోన్లు వస్తాయంటున్నారు. పట్టణంలోని బండ్రేవు, రాయరావు చెరువు, పంటకాలువ పొడవునా సమీప పంట పొలాల్లో, ఆదిపరాశక్తి ఆలయం తదితర స్థలాల్లో పట్టణం చుట్టూ జోరుగా దందా సాగుతోంది.
ఇసుక వ్యాపారం రెండు రకాలుగా సాగుతోంది. ఒకవైపు లోతైన గోతులు తవ్వి ఇసుకను తీస్తున్నారు. అవి ప్రమాదకరంగా తయారయ్యాయి. మరోవైపు మట్టిని తీసి దానిని నీటితో కడిగి ఇసుకను తయారు చేస్తున్నారు. చాలా చోట్ల ఇసుక నిల్వలు దర్శనమిస్తున్నాయి. పంటపొలాల్లో ఇష్టానుసారంగా తవ్వకాలు చేపడుతున్నారు. 


కళ్లముందే జరుగుత్నానా..! (మెదక్)

వీటిల్లో పశువులు పడి ప్రమాదాలకు గురవుతున్నాయి. గోతులు, వాటిలోని నీటి ద్వారా మనుషుల ప్రాణాలకు ప్రమాదకరంగా పరిణమించాయి. పట్టణంలో రాయరావు చెరువు పంటకాల్వలపై చెక్‌డ్యాంలు నిర్మించిన ప్రాంతం ఇందుకు అడ్డాగా మారింది. పెద్దఎత్తున ఇసుకను నిల్వచేశారు. పలుకుబడి కలిగిన వ్యక్తులు, ఆయా పార్టీలలో కార్యకర్తలు, నాయకులు, పెద్దమనుషుల అండదండలున్న వారు ఈఅక్రమ వ్యాపారాన్ని దర్జాగా కొనసాగిస్తున్నారు.
హన్మంతాపూర్‌, ఆవంచ, ఎల్లాపూర్‌, మంతూరు, ఖాజీపేట, కాగజ్‌మద్దూర్‌, నత్నాయిపల్లి, కొండాపూర్‌, జక్కపల్లి, చిప్పల్‌తుర్తి, మహ్మదాబాద్‌, అహ్మద్‌నగర్‌, రుస్తుంపేట, మూసాపేట, నాగులపల్లి, గొల్లపల్లి, బ్రాహ్మణపల్లి, తుజాల్‌పూర్‌, తిర్మలాపూర్‌, అచ్చంపేట, నారాయణపూర్‌, లింగాపూర్‌ తదితర గ్రామాల్లోనూ ఇసుక అక్రమ వ్యాపారం కొనసాగుతోంది. ట్రాక్టర్‌ ఇసుకను రూ.3000 నుంచి రూ.4000 వరకూ విక్రయిస్తున్నారు. గ్రామాల నుంచి పట్టణానికి తరలించి సొమ్ము చేసుకుంటున్నారు. సంబంధిత అధికారులకు ముడుపులు ముట్టజెపుతున్నారు. కట్టడి చేయాల్సిన రెవెన్యూ, పోలీసు, మైనింగ్‌, నీటిపారుదల శాఖ అధికారులు చోద్యం చూస్తున్నారు. పర్యావరణ పరిరక్షణ, ప్రభుత్వాదాయం పెంపు కోసం ఇసుక వ్యాపారాన్ని కట్టడి చేయాలని కోరుతున్నారు.

No comments:
Write comments