శివనామస్మరణతోనే ముక్తి

 

హైద్రాబాద్, మార్చి 2 (globelmedianews.com
వేదాలు.. ఇతిహాసాలు, పురాణాలలో ముఖ్యమైనవి. వీటిలో ఋగ్వేదం చాలా గొప్పది. ఇందులోని రుద్రం ఇంకా గొప్పది. పంచాక్షరీలోని శివ అనే రెండక్షరాలు మరీ గొప్పవి. శివ అంటే మంగళకరమని అర్థం. శివస్వరూపం అత్యంత మంగళకరమైనది. ఆ పరమ శివుని అనుగ్రహం కోసం జరుపుకునే ముఖ్యమైన పండుగ మహా శివరాత్రి. పురాణాలలో తెలియజేసిన మహా శివరాత్రిని ఏటా మాఘమాసం కృష్ణపక్ష చతుర్థశినాడు జరుపుకుంటాం. 
శివరాత్రి వైదిక కాలం నాటి పండుగ ఏడాదిలో నిత్య శివరాత్రి, పక్షశివరాత్రి, మాస శివరాత్రి, మహాశివరాత్రి, యోగశివరాత్రి మొత్తం ఐదు వస్తాయి. వీటిలో పరమేశ్వరుడు పర్వదినమే మహా శివరాత్రి. మాఘమాసం బహుళ చతుర్థి, అర్ద్ర నక్షత్రంలో శివుడు లింగోద్భవం జరిగింది. అందుకే శివుడికి ఇది అత్యంత ఇష్టమైన తిథి. ఈరోజున శివుడ్ని లింగరూపంలో ఆరాధించినవారు పురుషోత్తముడు అవుతాడని పురాణాలు తెలియజేస్తున్నాయి. శివ ప్రతిష్ట లేదా శివ కళ్యాణం చేసినా ఎంతో శ్రేష్టం. 


శివనామస్మరణతోనే ముక్తి

మహా శివరాత్రి రోజు తనను పూజించేవారు ఎవరైనా తన కుమారుడైన కుమారస్వామి కన్నా ఇష్టులవుతారని స్వయంగా పరమ శివుడు చెప్పాడంటే దీనికున్న విశిష్టత ఏంటో అర్థం చేసుకోవచ్చు. ముందు రోజు అంటే త్రయోదశి నాడు ఒక్కపొద్దు ఉండి చతుర్థశి రోజున ఉపవాసం ఉండాలి. సోమవారంతో వచ్చే కృష్ణ చతుర్థశి నాటి మహాశివరాత్రి మరింత శ్రేష్టమైందని పండితులు చెబుతారు. పరమశివుణ్ని భక్తి శ్రద్ధలతో పూజిస్తే చాలు.. కోరిన కోరికలు తీరుస్తాడు. తను ఇబ్బందులు ఎదుర్కొంటానని తెలిసినా దానవుల అసంబద్ధమైన కోరికలను తీర్చిన భోలా శంకరుడాయన. గరళాన్ని కంఠంలో ఉంచుకొని నీల కంఠుడయ్యాడు. కానీ అదే శివుడికి కోపం వస్తే విలయమే. అందుకే ఆ పరమేశ్వరుణ్ని ప్రళయకారుడిగా భావిస్తారు. మహాశివుడు ఆగ్రహించి మూడో కన్ను తెరిస్తే వినాశనం తప్పదని నమ్ముతారు. శివుడు ఆగ్రహించి మూడో కన్ను తెరిస్తే.. ఆ కోపాగ్నికి లోకం భస్మం అవుతుందని పురాణాలు చెబుతున్నాయి. లింగోద్భవ కాలం ప్రకారం.. జన్మాష్టమి నుంచి ఆరు మాసాలు అంటే 180 రోజులు లెక్కిస్తే శివరాత్రి వస్తుంది. రూపరహితుడైన పరమేశ్వరుడు జ్యోతిరూపం, లింగరూపంలో అవిర్భవించిన కాలం కాబట్టి ఈ శివరాత్రిని లింగోద్భవకాలం అంటారు. పరమేశ్వరుడి 64 రూపాలలో లింగోద్భవమూర్తి చాలా ముఖ్యమైనది. లింగోద్భవం జరిగింది అర్థరాత్రి పన్నెండు గంటలని పురాణాలలో పేర్కొన్నారు. ఋగ్వేదం ప్రకారం.. భక్తులు ఉపవాసం ఉండి జాగారణం చేసి మహాలింగ దర్శనం చేసుకుంటారు. ఉపవాస దీక్షను స్త్రీ, పురుషులు అనే భేదం లేకుండా ఆచరించవచ్చు. ప్రపంచమంతా శివ శక్తిమయమని, శివలింగానికి- ప్రణవానికి సామ్యం ఉందని అంటారు. ఆ రకంగా చూస్తే శివ లింగాలు ఆరువిధాలు.. ఇవి ఒక్కొక్క విధానంలో ఆరేసి లింగాలు.. ద్వివిదా ద్వాదశ లింగాలుగా చెప్పబడుతున్నాయి. అయితే, శివాగమాలరీత్యా మాత్రం ఆచార గర్వాది లింగాలే సరియైనవి కాబట్టి ఈ ఆరులింగాలనే అను నిత్యం ఆరాధించాలి. శివరాత్రి పర్వదినం నాడు శంకరుడ్ని ఎన్నో విధాలుగా ఆలంకరిస్తారు. ఆ అలంకరణలో విభూతిధారణ ఒకటి. విభూతి అంటే ఐశ్వర్యం. అది అగ్నిలో కాలిన శుద్ధమైన వస్తువు. ఈశ్వరుడు తన శరీరమంతా విభూతి పూసుకుంటాడు. రెండోది రుద్రాక్ష. రుద్రాక్ష అంటే శివుని మూడో నేత్రం. దేవతలందరిలోనూ ఫాలభాగంలో కన్ను గలవాడు ఆయన ఒక్కరే. మూడోది పంచాక్షరి జపం. పంచాక్షరీ మంత్రోపదేశం లేనివారు శివనామాం జపిస్తే చాలు. నాలుగోది మారేడు దళాలతో శివున్ని పూజించడం. శివునికి మూడు దళాలుంటాయి. ఐదోది అంతరంగంలో శివ స్వరూపాన్ని ఎల్లవేళలా స్మరిస్తూ ఉండాలి. 

No comments:
Write comments