భారత్ కు విజయ్ మాల్యా

 

న్యూఢిల్లీ, ఏప్రిల్ 9, (globelmedianews.com)
బ్యాంకులకు రుణాలు ఎగ్గొట్టి దేశం విడిచి పారిపోయిన విజయ్‌ మాల్యాకు మరో షాక్ తగిలింది. ఆయనకు యూకే న్యాయస్థానంలో చుక్కెదురైంది. మాల్యా తనను భారత్‌కు అప్పగించే విషయాన్ని సవాలు చేస్తూ యూకే కోర్టులో లిఖిత పూర్వక పిటిషన్‌ వేశారు. అయితే యూకే కోర్టు దాన్ని కొట్టి వేసింది. పిటిషన్‌ను కొట్టేసిన నేపథ్యంలో ఇక మాల్యాకు పై కోర్టుకు అప్పీల్‌ చేసుకునే అవకాశం మాత్రమే మిగిలి ఉంది. ఈ మొత్తం వ్యవహారం పూర్తికావడానికి కనీసం ఆరు వారాలు అయినా పట్టే అవకాశముంది. 


 భారత్ కు విజయ్ మాల్యా

కాగా విజయ్ మాల్యా భారత్‌లోని పలు బ్యాంకులకు రూ.9,000 కోట్లు ఎగ్గొట్టి విదేశాలకు పారిపోయిన విషయం తెలిసిందే. భారత్ మాల్యాను పరారీలో ఉన్న ఆర్థిక నేరస్థుడి జాబితాలో చేర్చింది. మాల్యాను తిరిగి భారత్‌కు రప్పించే అంశమై కేంద్ర ప్రభుత్వం ప్రయత్నిస్తోంది. మాల్యాను భారత్‌కు అప్పగించడానికి ఇంగ్లాండ్‌ హోం సెక్రటరీ సాజిద్ జావిద్ ఈ ఏడాది ఫిబ్రవరి 4న ఆమోదం తెలిపారు. దీనికి వ్యతిరేకంగానే వెస్ట్ మినిస్టర్ కోర్టులో మాల్యా పిటిషన్‌ దాఖలు చేశారు. 

No comments:
Write comments