ఎబీసీడీకి పాస్ మార్క్స్

 

హైద్రాబాద్, మే 17, (globelmedianews.com)
ప్రముఖ నిర్మాత అల్లు అరవింద్ చిన్న తనయుడు అల్లు శిరీష్ మెగా హీరో అనే ట్యాగ్‌తో వెండితెరకు పరిచయమయ్యారు. ‘గౌరవం’ సినిమాతో హీరోగా ఆరంగేట్రం చేశారు. తొలి సినిమా పెద్దగా ఆడకపోయినా నటుడిగా శిరీష్‌కు గుర్తింపు తెచ్చిపెట్టింది. ఆ తరవాత ‘కొత్తజంట’, ‘శ్రీరస్తు శుభమస్తు’ సినిమాలతో శిరీష్ ఆకట్టుకున్నాడు. 2017లో ‘ఒక్క క్షణం’ సినిమాను చేశారు. ఇది పెద్దగా ఆడలేదు. ఇప్పుడు ఏడాదిన్నరకు పైగా విరామం తీసుకుని ‘ఏబీసీడీ’ అనే కమర్షియల్ సినిమాతో ప్రేక్షకుల ముందుకు వచ్చారు. ‘అమెరికన్ బార్న్ కన్ఫ్యూజ్డ్ దేశీ’ అనేది ఈ చిత్రానికి ఉపశీర్షిక. 


ఎబీసీడీకి పాస్ మార్క్స్

మలయాళంలో సూపర్ హిట్ అయిన ‘ఏబీసీడీ’ సినిమాకు ఇది రీమేక్. సంజీవ్ రెడ్డి ఈ చిత్రంతో దర్శకుడిగా పరిచయం అవుతున్నారు. మధుర ఎంటర్‌టైన్మెంట్ బ్యానర్‌పై మధుర శ్రీధర్ రెడ్డి, బిగ్ బెన్ సినిమాస్ బ్యానర్‌పై యష్ రంగినేని సంయుక్తంగా నిర్మించారు. అల్లు శిరీష్ సరసన రుక్సార్ థిల్లాన్ హీరోయిన్‌గా నటించింది. కన్నడ మ్యూజిక్ డైరెక్టర్ జుదా శాండీ ఈ చిత్రానికి సంగీతం సమకూర్చారు. ఇప్పటి వరకు నటుడిగా గుర్తింపు తెచ్చుకున్న అల్లు శిరీష్ ఈ చిత్రంతో తన మార్కెట్‌ను పెంచుకోవాలని ఆశిస్తున్నారు. అందుకే ఈ చిత్రానికి మొదటి నుంచి కమర్షియల్‌గా మంచి ప్రచారం కల్పిస్తున్నారు. ప్రపంచ వ్యాప్తంగా 607 థియేటర్లలో గ్రాండ్‌గా రిలీజ్ చేశారు. ఆశ్చర్యకరంగా నార్త్ ఇండియాలోనూ 84 థియేటర్లలో ఈ చిత్రాన్ని ప్రదర్శిస్తున్నారు. యూఎస్‌లో సైతం 74 థియేటర్లలో ఈ సినిమా విడుదలవుతోంది. ఇప్పటికే అక్కడ ప్రీమియర్లు ప్రారంభమయ్యాయి. ఈ చిత్రంతో ఎలాగైనా కమర్షియల్ హిట్ కొట్టాలని చూస్తోన్న శిరీష్‌కు ట్విట్టర్‌‌లో మిక్స్డ్ టాక్ వినిపిస్తుంది. ఫస్టాఫ్ స్లోగా సాగిందట. అల్లు శిరీష్ డిఫరెంట్‌లో నవ్వులు పూయించారు. అతనికి ఫ్రెండ్‌గా నటించిన భరత్ కామెడీ టైమింగ్‌తో ఆకట్టుకున్నారు. వెన్నెల కిషోర్ కామెడీ కూడా బాగుంది. కథ రొటీన్‌గానే ఉందని.. కథనం కూడా స్లోగా ఉందంటున్నారు. సాంగ్స్ కూడా పెద్దగా ఆకట్టుకులేదంటున్నారు. అయితే ఇంటర్వెల్ సీన్‌కి కథ ఊపందుకుందంటున్నారు. ఓవరాల్‌గా సినిమాని చూడొచ్చంటూ 2.5 రేటింగ్‌ ఇస్తున్నారు.

No comments:
Write comments