మంత్రులపై గెలుపుతో అమాత్య పదవి

 

విజయవాడ, జూన్ 8 (globelmedianews.com)

ఏపీ కేబినెట్ కొలువు దీరింది. పాత, కొత్త నేతల కలబోతతో మంత్రివర్గ కూర్పు చేశారు ముఖ్యమంత్రి వైఎస్ జగన్. 25మంది టీమ్‌తో.. సామాజిక వర్గాలు, జిల్లాలవారిగా లెక్కలతో ప్రాధాన్యత ఇచ్చారు. పార్టీ కష్టకాలంలో ఉన్న సమయంలో అండగా ఉంటూ.. మొదటి నుంచి కష్టపడిన వారికి.. సీనియర్లు, జూనియర్లనే తేడా లేకుండా అవకాశం కల్పించారు జగన్. అయితే కేబినెట్‌లో స్థానం దక్కించుకున్న వారిలో ముగ్గురు టీడీపీ హయాంలో మంత్రులుగా పనిచేసిన వారిపై విజయం సాధించి.. మంత్రి పదవులను దక్కించుకున్నారు. అనిల్‌కుమార్ యాదవ్ నెల్లూరు సిటీ నుంచి మంత్రి నారాయణపై పోటీ చేశారు.. 1,988 ఓట్ల మెజార్టీతో గెలుపొందారు. నెల్లూరు జిల్లా నుంచి ఎంతో మంది సీనియర్లు ఉన్నా.. వారందర్ని పక్కనపెట్టి అనిల్‌కు జగన్ మంత్రిగా అవకాశం కల్పించారు. ప్రజా సమస్యలపై గట్టి వాయిస్ వినిపించారు.. విద్యార్థుల సమస్యలపై అసెంబ్లీలో గళమెత్తారు. మంత్రి నారాయణతోనూ ఢీ అంటే ఢీ అంటూ.. ప్రభుత్వంలో లోపాలను ఎత్తి చూపించారు. యువత కోటాలో అనూహ్యంగా మంత్రి వర్గంలో స్థానం సంపాదించారు. మంత్రిపై గెలిచి కేబినెట్ బెర్త్ దక్కించుకున్నారు. 


మంత్రులపై  గెలుపుతో అమాత్య పదవి
అనిల్ కాంగ్రెస్‌లో యువనేతగా ఎదిగారు.. వైఎస్‌ అంటే ఎంతో అభిమానం ఉండేవారు. యువకుడు కావడంతో వైఎస్ హయాంలో నెల్లూరు కార్పొరేటర్ టికెట్ కేటాయించగా గెలిచారు. వైఎస్ మరణం, వెంటనే వైసీపీ స్థాపించడంతో.. వైఎస్ జగన్ వెంటే నడిచారు. 2014లో నెల్లూరు సిటీ నుంచి వైసీపీ అభ్యర్థిగా పోటీచేసి గెలిచారు. 2019లో మళ్లీ టికెట్ దక్కించుకొని మంత్రి నారాయణపై పోటీచేసి విజయం సాధించారు. ఇప్పుడు ఏకంగా మంత్రి ఛాన్స్ కొట్టేశారు. పేర్ని నాని అలియాస్ పేర్ని వెంకట్రామయ్య. నాని కూడా మంత్రి కొల్లు రవీంద్రపై విజయం సాధించి కేబినెట్ బెర్త్ దక్కించుకున్నారు. 5,851 ఓట్ల తేడాతో విజయం సాధించారు. సామాజిక వర్గాల లెక్కలతో పాటూ జిల్లాల వారీగా అంచనాలతో పేర్ని నానిని మంత్రి పదవి వరించింది. ఈయన కూడా మంత్రిపై విజయం సాధించి.. కేబినెట్‌లో చోటు దక్కించుకున్నారు. పేర్ని నాని కూడా కాంగ్రెస్ నేతగా ఉన్నారు. 2004లో మచిలీపట్నం నుంచి పోటీచేసి గెలిచారు. 2009లోనూ మరోసారి ఎమ్మెల్యేగా గెలిచారు. తర్వాత వైసీపీలో చేరగా.. 2014లో తిరిగి మచిలీపట్నం టికెట్ దక్కించుకున్నారు. కానీ పేర్ని నానిపై కొల్లు రవీంద్ర గెలుపొంది.. మంత్రి పదవి దక్కించుకున్నారు. 2019లో రవీంద్రపై తిరిగి పోటీ చేసిన నాని విజయం సాధించి.. మంత్రి పదవి దక్కించుకున్నారు. రంగనాథరాజు కూడా మంత్రి పితాని సత్యనారాయణను ఓడించారు. పశ్చిమగోదావరి జిల్లా ఆచంట నుంచి పోటీ చేసి.. మంత్రి పితానిని 12,886 ఓట్ల మెజార్టీతో ఘన విజయం సాధించారు. సామాజిక వర్గాల లెక్కలతో అనూహ్యంగా పదవిని దక్కించుకున్నారు. గతంలో ఒక్కసారి ఎమ్మెల్యేగా గెలిచారు.. సీనియర్ నేతగా కూడా జగన్ రంగనాథరాజుకు కేబినెట్‌లో అవకాశం కల్పించారు. రంగనాథ రాజు 2004లో పశ్చిమగోదావరి జిల్లా అత్తిలి నుంచి పోటీచేసి గెలిచారు. తర్వాత రాజకీయాలకు కాస్త దూరంగా ఉన్న ఆయన.. తర్వాత టీడీపీలో చేరారు. అయితే పార్టీలో తగిన ప్రాధాన్యత దక్కకపోవడంతో ఆయన జగన్ సమక్షంలో వైసీపీలో చేరారు. ఆచంట నుంచి ఎమ్మెల్యేగా పోటీ చేసి ఘన విజయం సాధించారు. మంత్రిని ఓడించి.. మంత్రి పదవిని దక్కించుకున్న నేతయ్యారు. ఇలా ఈ ముగ్గురు ఎమ్మెల్యేలు మంత్రులపై విజయం సాధించి.. జగన్ కేబినెట్‌లో పదవులకు దక్కించుకున్నారు

No comments:
Write comments