ప్రజా వేదిక కూల్చివేత కరెక్ట్ : పవన్

 


గుంటూరు, జూన్ 26, (globelmedianews.com)
ప్రజావేదిక కూల్చివేత ఏపీ రాజకీయాల్లో చర్చనీయాంశమయ్యింది. ఆ భవనాన్ని కూల్చివేస్తామని ప్రకటించిన జగన్.. అన్న మాట ప్రకారం మంగళవారం రాత్రి నుంచే పని మొదలు పెట్టారు. భవనాన్ని పూర్తిగా నేలమట్టం చేశారు. ప్రజావేదిక కూల్చివేతపై టీడీపీ, వైసీపీ నేతలు భిన్నవాదనలు వినిపిస్తున్నారు. ఇక మిగిలిన పార్టీలు కూడా కూల్చివేతను సమర్థిస్తూనే.. ముఖ్యమంత్రి జగన్ మిగిలిన అక్రమ కట్టడాలపై కూడా చర్యలు తీసుకోవాలంటున్నారు. జనసేన అధినేత పవన్ కూడా ప్రజావేదిక కూల్చివేతపై స్పందించారు. 

ప్రజా వేదిక కూల్చివేత కరెక్ట్ : పవన్

ప్రజావేదిక కూల్చివేతపై ఆసక్తికర వ్యాఖ్యలు చేశారు పవన్ కళ్యాణ్. ఏపీ ప్రభుత్వం సరైన నిర్ణయం తీసుకుందన్న జనసేనాని.. ప్రజావేదికతో సరిపెట్టకుండా అక్రమంగా, అనుమతులు లేకుండా నిర్మించిన భవనాలపైనా చర్యలు తీసుకోవాలని డిమాండ్ చేశారు. అలా చేసినప్పుడే ప్రభుత్వంపై ప్రజలకు నమ్మకం పెరుగుతుందని అభిప్రాయపడ్డారు. నిబంధనలు అతిక్రమించినవారిపై చర్యలు తీసుకోవడం మంచి నిర్ణయమన్నారు. గుంటూరు జిల్లా నంబూరులో దశావతార వెంకటేశ్వరస్వామి బ్రహ్మోత్సవాల్లో పాల్గొన్న పవన్.. స్వామివారిని దర్శించుకొని ప్రత్యేక పూజలు నిర్వహించారు. ఆలయంలో నిర్వహించిన 108 కలశాల పూజలో పాల్గొన్నారు. ఈ సందర్భంగా మాట్లాడిన పవన్ కళ్యాణ్.. ప్రజా వేదిక కూల్చివేత నిర్ణయంపై తన అభిప్రాయాన్ని తెలియజేశారు. 

No comments:
Write comments