భారీగా తగ్గిన బ్యాంక్ లోన్ల వడ్డీ

 


ముంబై, జూన్ 7 (globelmedianews.com)
రుణం తీసుకోవాలనే ఆలోచనలో ఉన్నారా? అయితే కొద్దికాలం ఆగండి. రుణాలపై వడ్డీ రేట్లు దిగిరానున్నాయి. రిజర్వు బ్యాంక్ ఆఫ్ ఇండియా (ఆర్‌బీఐ) పాలసీ రేట్ల తగ్గింపు ఇందుకు కారణం. కేంద్ర బ్యాంక్ గురువారం రెపో రేటును 25 బేసిస్ పాయింట్ల మేర తగ్గించిన విషయం తెలిసిందే. దీంతో రెపో రేటు 6 శాతం లోపునకు 5.75 శాతానికి దిగొచ్చింది. ఆర్‌‌‌‌బీఐ రేట్ల కోత నిర్ణయంతో బ్యాంకులు కూడా రుణాలపై వడ్డీ రేట్లను తగ్గించాల్సి ఉంది. అయితే బ్యాంకులు మాత్రం తగ్గింపు ప్రయోజనాలను కస్టమర్లకు బదిలీ చేయడంలో అలసత్వం చూపుతున్నాయి. 


 భారీగా తగ్గిన బ్యాంక్ లోన్ల వడ్డీ
రేట్ల కోత ప్రయోజనాలు బ్యాంక్ ఖాతాదారులకు అందడానికి 4 నుంచి 6 నెలల సమయం పడుతుంది. అయితే ఈసారి మాత్రం ప్రయోజనాల బదిలీ వేగంగా ఉండనుంది. ‘తగ్గించిన వడ్డీ రేట్లను రుణ గ్రహీతలకు బదిలీ చేసేందుకు బ్యాంకులు నాలుగు నుంచి ఆరు నెలల సమయం తీసుకుంటున్నాయి. ఈసారి అలా కాకుండా ఈ బదిలీ వేగంగా (2 నుంచి 3 నెలలు) జరుగుతుందని భావిస్తున్నాను’ అని రిజర్వు బ్యాంకు గవర్నర్‌ శక్తికాంత దాస్‌ పేర్కొన్నారు.గవర్నర్‌ చెప్పిన ప్రకారం చూస్తే.. గతంలో తగ్గించిన 0.50 శాతం రేటులో బ్యాంకులు కేవలం 0.21శాతం ప్రయోజనాన్ని రుణ గ్రహీతలకు బదిలీ చేశాయి. తగ్గింపు ప్రయోజనాన్ని వేగంగా బదిలీ చేయాల్సిందిగా బ్యాంకులకు సూచించారు. గృహరుణాలే కాకుండా... వినియోగ, వాహన రుణాలపై కూడా వడ్డీ రేట్లు తగ్గించాల్సిన అవసరం ఉందన్నారు. బ్యాంకులు రుణాలపై వడ్డీరేట్లు తగ్గిస్తే, నెలవారీ వాయిదాల భారంలో కాస్త ఉపశమనం లభిస్తుంది. 

No comments:
Write comments