సీఎల్పీ భేటీకి 21 మంది రాజీనామా

 

బెంగళూర్, జూలై 9 (globelmedianews.com)
కర్నాటకలో రాజకీయ సంక్షోభం మరింత ముదిరింది. రెబల్ ఎమ్మెల్యేలను బుజ్జగించడానికి కాంగ్రెస్ నేతలు చేస్తున్న ప్రయత్నాలు ఏ మాత్రం ఫలించడం లేదు. ముంబైలో ఉన్న 13 మందిని కలవడానికి కాంగ్రెస్ ట్రుబల్ షూటర్ డీకే శివకుమార్ సోమవారం వెళ్లేసరికి వాళ్లు గోవాకు మకాం మార్చారు. తాజాగా, కాంగ్రెస్ శాసనసభా పక్ష సమావేశం మంగళవారం నిర్వహించారు. ఈ సమావేశానికి 21 మంది ఎమ్మెల్యేలు గైర్హాజరయ్యారు. వీరిలో అంజలీ నింబాల్కర్, ఎంటీబీ నాగరాజ్, సంగమేశ్, బీ నాగేందర్ కూడా ఉన్నారు. మొత్తం 78 మందికి 57 మంది ఎమ్మెల్యేలు హాజరుకాలేదు. తనకు అనారోగ్యంగా ఉందని, అందుకే సీఎల్పీకి రాలేకపోతున్నానని ఎంటీబీ నాగరాజ్ పేర్కొన్నారు. 
సీఎల్పీ భేటీకి 21 మంది రాజీనామా

అధికార పార్టీ ఎమ్మెల్యేలను ప్రలోభపెట్టడానికి గవర్నర్ కార్యాలయాన్ని వినియోగించుకుంటున్నారని మంత్రి శివకుమార్ ఆరోపించారు. కాగా, రాజీనామా చేసిన ఎమ్మెల్యేలు స్వయంగా తనకు లేఖలు సమర్పించాలని స్పీకర్ రమేశ్ కుమార్ వ్యాఖ్యానించారు. రాజీనామా చేసిన వారిపై అనర్హత వేటు వేయబోమని అన్నారు. వారి రాజీనామాలను ఆమోదించే ప్రసక్తే లేదని, ప్రతి ఒక్కరికీ నోటీసులు పంపి వ్యక్తిగతంగా కలుస్తానని స్పీకర్ తెలిపారు. ఇంతవరకూ ఏ ఎమ్మెల్యే తన అపాయింట్‌మెంట్‌ కోరలేదని, ఎవరిపైనా తనకు వివక్ష లేదన అన్నారు. చట్టానికి అనుగుణంగానే నడుచుకుంటానని స్పష్టం చేశారు. తాను మధ్యతరగతి కుటుంబం నుంచి వచ్చానని, ప్రజల వల్లే నేడు ఈ స్థాయిలో ఉన్నానని, అందువల్ల నాకు ఏదీ కష్టంగా అన్పించడం లేదని స్పీకర్ రమేశ్ కుమార్ అన్నారు. తాజా రాజకీయ పరిస్థితులతో తనకు సంబంధం లేదని, చట్టం, రాజ్యాంగానికి అనుగుణంగానే పనిచేస్తాని తెలిపారు. అసమ్మతి ఎమ్మెల్యేలతో మాట్లాడలేదు, వారు నాకు బంధువులూ కాదన్నారు. స్పీకర్‌ ఛాంబర్‌లోకి రాగానే తాను కాంగ్రెస్‌ వ్యక్తినన్న విషయం మర్చిపోతానని, న్యాయబద్ధంగా, నిష్పక్షపాతంగా వ్యవహరిస్తాని పేర్కొన్నారు. నా ప్రజలు, నా తండ్రి తప్ప ఇంకెవరూ నా మీద ఒత్తిడి తీసుకురాలేరని, స్పీకర్‌గా తాను కొన్ని నియమ నిబంధనలను అనుసరించాల్సి ఉంటుందన్నారు. ప్రస్తుతం నేను స్పీకర్‌ కార్యాలయంలో అందుబాటులో ఉంటానని, ఎమ్మెల్యేలు కలిసి రాజీనామాలపై వివరణ ఇస్తే అందుకు తగిన చర్యలు తీసుకుంటానని రమేశ్ కుమార్‌ హామీ ఇచ్చారు. కాగా, సీఎల్పీలో మెజార్టీ శాసనసభ్యులు మాత్రం ప్రతిపక్షంలో ఉందామని, పార్టీని బలోపేతం చేద్దామనే అభిప్రాయం వ్యక్తం చేశారు. ఈ భేటీకి అసమ్మతి ఎమ్మెల్యే రామలింగారెడ్డి కుమార్తె సౌమ్యారెడ్డి హాజరయ్యారు. తొలుత ఈమె కూడా రాజీనామా చేసినట్లు వార్తలు వచ్చాయి. అయితే నిన్న రాత్రి సోనియాగాంధీతో భేటీ అయిన సౌమ్య.. సీఎల్పీ సమావేశంలో పాల్గొన్నారు. సీఎల్పీ సమావేశం ముగిసిన తర్వాత మాజీ సీఎం, శాసనసభాపక్ష నేత సిద్ధరామయ్య మాట్లాడుతూ.. జులై 21న క్యాబినెట్ పునర్వవస్థీకరణ ఉంటుందని అన్నారు. ఈ రాజకీయ సంక్షోభం వెనుక ప్రధాని నరేంద్ర మోదీ, బీజేపీ అధ్యక్షుడు, హోం మంత్రి అమిత్ షాల హస్తం ఉందని ఆయన ఆరోపించారు

No comments:
Write comments