పలు అభివృద్ధి పనులకు శంకు స్థాపన

 


కడప, జూలై 8  (globelmedianews.com):
ముఖ్యమంత్రి హోదాలో సొంత గడ్డకు రావడం ఆనందంగా ఉందన్నారు ఆంధ్రప్రదేశ్ ముఖ్యమంత్రి వైఎస్ జగన్‌మోహన్‌రెడ్డి. జగన్ అనే నేను ఈ జిల్లా ముద్దు బిడ్డగా.. ముఖ్యమంత్రిగా బాధ్యతలు తీసుకున్న తర్వాత ఇక్కడ అడుగు పెట్టానన్నారు. జమ్మలమడుగులో జరిగిన సభలో పాల్గొన్న జగన్.. వైఎస్‌ఆర్ పింఛన్ కానుక, రైతు దినోత్సవాన్ని ప్రారంభించారు. అనంతరం మాట్లాడిన జగన్.. తన తండ్రి పుట్టిన రోజు నాడు ఈ పథకాలను ప్రారంభించడం ఆనందంగా ఉందన్నారు. కడప గడప నుంచి నవరత్నాలకు శ్రీకారం చుట్టడం (వైఎస్‌ఆర్ పింఛన్ కానుక ద్వారా) సంతోషంగా ఉందన్నారు జగన్. గతంలో అవ్వా తాతల్ని పింఛన్ ఇస్తున్నారా అని అడిగితే.. ఇచ్చే వారు కాదని చెప్పేవాళ్లు.. రూ. వెయ్యి మాత్రమే అని చెప్పేవాళ్లన్నారు. ముఖ్యమంత్రిగా ప్రమాణ స్వీకారం చేసిన నెలలోపే.. ఇప్పుడు రూ.వెయ్యి నుంచి రూ.2 వేల 250 పెంచుతూ శ్రీకారం చుట్టామన్నారు.

పలు అభివృద్ధి పనులకు శంకు స్థాపన

అవ్వా తాతలకు మనవడిగా మాట నిలబెట్టుకున్నామని.. దివ్యాంగులకు మూడు వేలు.. డయాలసిస్ పేషంట్లకు రూ.10వేలు ఇస్తున్నామన్నారు. రాష్ట్రవ్యాప్తంగా కొత్తగా మళ్లీ ఈ నెలలనే పెండింగ్‌లో ఉన్న 5 లక్షల 40వేల పింఛన్లు మంజూరు చేస్తున్నామని చెప్పారు. గ్రామ వాలంటీర్లు, సచివాలయం ద్వారా రాష్ట్రవ్యాప్తంగా ఎవరైనా అవ్వాతాతలు మిగిలి ఉంటే.. వారికి పింఛన్లు ఇస్తామని సీఎం హామీ ఇచ్చారు. ఇక కడప జిల్లాకు చంద్రబాబుకు రూ.32కోట్లు ఇస్తే.. ఇప్పుడు తమ ప్రభుత్వం రూ.72 కోట్లు ఇస్తున్నామని చెప్పడానికి గర్వపడుతున్నామన్నారు. చంద్రబాబు ప్రభుత్వం కంటే మూడు రెట్లు ఎక్కువగా పింఛన్ల కోసం ఖర్చు చేస్తున్నామని.. రూ. 15వేల కోట్లకుపైగా ఇస్తున్నామన్నారు. ఇకపై జన్మభూమి కమిటీల పేరుతో మాఫియా ఉండదు.. పింఛన్ ఇవ్వాలంటే లంచాలు ఇవ్వాల్సిన పనిలేదన్నారు. సెప్టెంబర్ 1 నుంచి అవ్వాతాతలకు పింఛన్‌ను నేరుగా ఇంటికి వచ్చి చేతికి ఇచ్చేలా ఏర్పాట్లు చేశామని చెప్పడానికి గర్వపడుతున్నామన్నారు జగన్. ఎవరూ పింఛన్ రాలేదని బాధపడాల్సిన పని లేదని.. ప్రతి 50మందికి వాలంటీర్లు, 2వేల ప్రజలకు గ్రామ సచివాలయం ఏర్పాటు చేయబోతున్నట్లు తెలిపారు. ప్రతి పథకం డోర్ డెలవరీ చేస్తామని చెప్పడానికి గర్వపడుతున్నామన్నారు. ఈ గ్రామ వాలంటీర్లు లంచం తీసుకోరు.. లంచం తీసుకుంటే సీఎంకు ఫిర్యాదు చేసేలా ఏర్పాటు చేస్తున్నామన్నారు. ఏదైనా పథకం అందకపోయినా.. లంచం అడిగానా ఏమాత్రం ఉపేక్షించేది లేదు.. వారిని ఉద్యోగం నుంచి పీకేస్తామన్నారు. మనం చేసే మంచి చూసి మళ్లీ ఓటు వేయాలనేలా పాలన అందించే దిశగా అడుగులు వేస్తున్నామన్నారు

No comments:
Write comments