కమలం గూటికి రాయపాటి..

 

గుంటూరు, జూలై 17 (globelmedianews.com)
ఏపీలో పార్టీ బలోపేతంపై ఫోకస్ పెట్టింది కమలదళం. రాజ్యసభ ఎంపీలతో చేరికల్ని షురూ చేసిన బీజేపీ.. మరింత దూకుడు పెంచింది. ముఖ్యంగా టీడీపీలో సీనియర్ నేతలకు గాలం వేస్తోంది. ఇప్పటికే కొందరు నేతలు కాషాయ కండువా కప్పుకోగా.. మరికొందరు నేతలు అదే దారిలో ఉన్నారు. తాజాగా గుంటూరు జిల్లాకు చెందిన మాజీ ఎంపీ, సీనియర్ నేత రాయపాటి సాంబశివరావు బీజేపీలోకి వెళతారని జోరుగా ప్రచారం జరుగుతోంది. రాయపాటిని పార్టీలోకి తీసుకెళ్లేందుకు బీజేపీ ప్రయత్నాలు చేస్తోందని చర్చ నడుస్తోంది. రెండు రోజుల క్రితమే బీజేపీ జాతీయ ప్రధాన కార్యదర్శి రాంమాధవ్‌ గుంటూరులో రాయపాటిని కలిసినట్లు ప్రచారం జరుగుతోంది. 
కమలం గూటికి రాయపాటి....

రాంమాధవ్-సాంబశివరావు లంచ్ మీట్‌‌లో చర్చలు జరిపినట్లు తెలుస్తోంది. పార్టీలోకి రావాలని రాయపాటిని రాంమాధవ్ కోరగా.. అనుచరులతో చర్చించాక నిర్ణయం చెబుతానని మాజీ ఎంపీ చెప్పారట. రాయపాటి తాను త్వరలోనే ఢిల్లీ వస్తానని.. అక్కడ కలుస్తానని రాంమాధవ్‌తో చెప్పారట. ఆయన కూడా కాషాయ కండువా కప్పుకునేందుకు సానుకూలంగానే ఉన్నట్లు తెలుస్తోంది. రాంమాధవ్‌తో భేటీ తర్వాత రాయపాటి చంద్రబాబును కలిసినట్లు తెలుస్తోంది. ఈ భేటీలో పలు కీలక అంశాలపై చర్చించారట.. పార్టీ మారే అంశం కూడా ప్రస్తావనకు వచ్చినట్లు సమాచారం. సాంబశివరావు కూడా కొన్ని ఇబ్బందులు వల్ల బీజేపీలోకి వెళ్లాలనే ఉద్దేశంలో ఉన్నారని గుంటూరు టాక్. ఆయన కాషాయ కండువా కప్పుకునే అంశంపై మరో రెండు మూడు రోజుల్లో క్లారిటీ వస్తుందని చర్చ జరుగుతోంది. రాయపాటి కాంగ్రెస్‌ హయాంలో గుంటూరు నుంచి ఎంపీగా గెలిచారు. విభజన తర్వాత టీడీపీలో చేరిన ఆయన.. 2014లో నర్సరావు పేట నుంచి ఎంపీగా గెలిచారు. సార్వత్రిక ఎన్నికల్లో నర్సరావుపేట నుంచి మళ్లీ పోటీచేసి ఓడిపోయారు. తర్వాత టీడీపీలోనే కొనసాగుతారని భావించారు.. బీజేపీ ఆపరేషన్ ఆకర్ష్ ప్రారంభించడంతో.. ఆయన చూపు ఆ పార్టీవైపు మళ్లింది. 

No comments:
Write comments