జగన్ ఇప్పటికైనా నిజాలు చెబుతున్నారు

 

విజయవాడ, జూలై 17, (globelmedianews.com)
2014 ఎన్నికల ముందు జాబు కావాలంటే బాబు రావాలని టీడీపీ ప్రచారం చేసిన సంగతి తెలిసిందే. దీనికి కౌంటర్‌గా జాబు రావాలంటే బాబు పోవాలని 2019 ఎన్నికల్లో వైఎస్ఆర్సీపీ ప్రచారం చేసింది. చంద్రబాబు హయాంలో నిరుద్యోగ సమస్య పెరిగిందని, ఉద్యోగాల కల్పన జరగలేదని జగన్ పార్టీ ఎన్నికల్లో ప్రచారం చేసింది. జగన్ పాదయాత్రలోనూ పదే పదే ఈ అంశాలను ప్రస్తావించారు. కానీ టీడీపీ బాబు హయాంలో 5.13 లక్షల ఉద్యోగాలను కల్పించారని అసెంబ్లీలో సీఎం జగన్ ప్రకటించారు. దీంతో అధికార పార్టీకి నారా లోకేశ్ కౌంటర్లు వేశారు. పాదయాత్రలో ఒక్క నిజం కూడా మాట్లాడని వైఎస్ జగన్మోహనరెడ్డి గారు, ఇప్పుడు అసెంబ్లీ సాక్షిగా నిజాలు ఒప్పుకుంటున్నందుకు ధన్యవాదాలు. 'జాబు రావాలి అంటే బాబు పోవాలి', 'బాబు హయాంలో ఒక్క జాబు కూడా రాలేదు' ఇలాంటి ఎన్నో అబద్దాలను పాదయాత్రలో చెప్పారు జగన్ గారు. 
జగన్ ఇప్పటికైనా నిజాలు చెబుతున్నారు

వైఎస్ జగన్ ముఖ్యమంత్రి అయిన తరువాత అసెంబ్లీ సాక్షిగా చంద్రబాబుగారి హయాంలో 39,450 పరిశ్రమలు ఏర్పాటు చేసి 5,13,351 మందికి ఉద్యోగాలు కల్పించారు అని చెప్పారు. ఐటీలో వెయ్యి కోట్ల పెట్టుబడులతో 175 కంపెనీల ద్వారా 30,428 మందికి ఉద్యోగాలు ఇచ్చారని చెప్పారు. పాదయాత్రలో ఒక్క నిజం కూడా మాట్లాడని @జగన్ గారు, ఇప్పుడు అసెంబ్లీ సాక్షిగా నిజాలు ఒప్పుకుంటున్నందుకు ధన్యవాదాలు. 'జాబు రావాలి అంటే బాబు పోవాలి', 'బాబు హయాంలో ఒక్క జాబు కూడా రాలేదు' ఇలాంటి ఎన్నో అబద్దాలను పాదయాత్రలో చెప్పారు జగన్ గారు.ఇలానే ఎలక్ట్రానిక్స్ ఇంకా ఇతర రంగాల్లో మేమిచ్చిన ఉద్యోగాలు, ఏర్పాటవుతున్న కంపెనీలు, రాబోయే ఉద్యోగాల వివరాలు కూడా బయటపెట్టి మీ పత్రిక అసత్యాల సాక్షి అని ప్రజలందరికీ తెలియజేయాలని జగన్ గారిని కోరుతున్నాను ఏర్పాటవుతున్న కంపెనీల వివరాలు మీరెలాగూ బయట పెట్టరు. ఇవిగోండి! మీరు చెప్తున్న 5.60 లక్షల ఉద్యోగాలతో పాటు చంద్రబాబుగారి హయాంలో పనులు ప్రారంభించి, రాబోయే రోజుల్లో యువతకు అందించబోతున్న మరో 8 లక్షల పైచిలుకు ఉద్యోగాల వివరాలు. ఇవి కూడా మీ ఘనతగా చెప్పుకుంటారేమో’’నంటూ లోకేశ్ సోషల్ మీడియాలో జగన్ సర్కార్‌పై పంచ్‌లేశారు

No comments:
Write comments