ఆర్టికల్ 370 రద్దు... మోడీ ప్రభుత్వ సంచలన నిర్ణయం ఢిల్లీ తరహాలోనే జమ్మూ కశ్మీర్

 

న్యూఢిల్లీ, ఆగస్టు 5  (globelmedianews.com - Swamy Naidu)
జమ్మూ కశ్మీర్‌కు స్వయం ప్రతిపత్తి కల్పిస్తూ నాటి భారత ప్రభుత్వం తీసుకొచ్చిన ఆర్టికల్ 370ని కేంద్రం రద్దుచేసింది. అంతాసిద్ధం చేసిన తర్వాత రాజ్యసభలో కేంద్ర హోం మంత్రి అమిత్ షా సోమవారం కీలక ప్రకటన చేశారు. అమిత్ షా ప్రకటన వెలువడిని నిమిషాల్లో రాష్ట్రపతి గెజిట్ విడుదల చేశారు. కశ్మీర్ అంశంపై కేంద్రం కీలక నిర్ణయం తీసుకోబోతుందనే ఊహాగానాలకు మోదీ సర్కారు తెరదించింది. కేంద్రం నిర్ణయంతో కశ్మీర్ స్వయం ప్రతిపత్తి కోల్పోయినట్టుయ్యింది. అలాగే జమ్మూ కశ్మీర్‌ను రెండుగా విభజించింది. జమ్మూ కశ్మీర్‌కు అసెంబ్లీతోపాటు కేంద్రపాలిత ప్రాంతం, లద్దాఖ్‌ను ప్రత్యేకంగా కేంద్రపాలిత ప్రాంతంగా చేస్తూ ప్రతిపాదనలు రూపొందించింది. చట్ట సభలేని కేంద్రపాలిత ప్రాంతంగా లద్దాఖ్‌ను గుర్తించింది. ఆర్టికల్ 370 వల్ల రాజ్యాంగం ప్రకారం ఇతర రాష్ట్రాలకు వర్తించే నిబంధనలు జమ్మూ కశ్మీర్‌కు వర్తించవు. 

 ఆర్టికల్ 370 రద్దు...  మోడీ ప్రభుత్వ సంచలన నిర్ణయం  ఢిల్లీ తరహాలోనే జమ్మూ కశ్మీర్
దీనిపై ముందుగానే అన్ని సిద్ధం చేసుకున్న మోదీ ప్రభుత్వం రాష్ట్రపతి గెజిట్ విడుదల చేసింది. దీని ప్రకారమే 1965 వరకూ ఆ రాష్ట్రానికి సీఎం బదులు ప్రధాని, గవర్నర్ స్థానంలో రాష్ట్రపతి ఉండేవారు. తాజాగా ఆర్టికల్‌ను రద్దుచేయడంతో ప్రత్యేక అధికారాలు, హక్కులు కశ్మీరీలు కోల్పోనున్నారు. పార్లమెంటులో చేసిన ప్రతిచట్టం కశ్మీరీలకు వర్తిస్తుంది. ఈ ఆర్టికల్‌ను జమ్మూ కశ్మీర్ సంస్థానాధీశుడు రాజా హరి సింగ్ వద్ద దివాన్‌గా పని చేసిన గోపాలస్వామి అయ్యంగార్ రూపొందించారు. అయితే, గతంలో ఆర్టికల్ 370 పట్ల రాజ్యాంగ నిర్మాత బీఆర్ అంబేద్కర్ తీవ్ర అసంతృప్తి వ్యక్తం చేశారు. అంతకు ముందు గందరగోళం మధ్య కొద్దిసేపు రాజ్యసభ టీవీ ప్రత్యక్ష ప్రసారాలను నిలిపివేశారు. రాష్ట్రపతి గెజిట్‌ నోటిఫికేషన్‌ ద్వారానే ఈ బిల్లు రద్దు జరుగుతుందని అమిత్ షా పేర్కొన్నారు. దీంతోపాటు కశ్మీర్‌లో నియోజకవర్గాల పునర్వవస్థీకరణ బిల్లు కూడా రాజ్యసభ ముందుకు వచ్చింది. తక్షణమే రాష్ట్రపతి రామ్‌నాథ్‌ కోవింద్ జమ్ముకశ్మీర్‌ను కేంద్రపాలిత ప్రాంతంగా మారుస్తూ ఆదేశాలు జారీ చేశారు. కేంద్ర నిర్ణయంపై పీడీపీ సభ్యులు తీవ్ర అభ్యంతరం వ్యక్తం చేశారు. చొక్కాలు చించుకుని తమ నిరసన తెలియజేశారు. కాంగ్రెస్ సైతం సభ నుంచి వాకౌట్ చేసింది. ఆర్టికల్ 370 రద్దుకు మోదీ ప్రభుత్వానికి బీఎస్పీ మద్దతు తెలిపింది. పార్లమెంటులో ప్రధాని నరేంద్ర మోదీ ఆగస్టు 7న జాతినిద్దేశించి ప్రసగించనున్నారు. విపక్షాల ఆందోళనపై హోం మంత్రి అమిత్ షా మండిపడ్డారు. జమ్మూ కశ్మీర్‌కు మూడు కుటుంబాలు దోచుకున్నాయని ఆయన ధ్వజమెత్తారు. అక్కడ ఎలాంటి అభివృద్ధి జరగలేదని అమిత్ షా మండిపడ్డారు. కేంద్రం నిర్ణయంతో జమ్మూ కశ్మీర్ భారత్‌లో అంతర్భాగం కానుందని షా స్పష్టం చేశారు. రాజ్యంగ ప్రతులను చింపేసిన పీడీపీరాజ్యసభలో తీవ్ర గందరగోళ పరిస్థితులు నెలకొన్నాయి. జమ్మూకశ్మీర్‌కు సంబంధించి ఆర్టికల్ 370 రద్దు, 35ఏ రద్దు, రాష్ట్ర విభజన అంశాలను వెనువెంటనే కేంద్ర హోంశాఖ మంత్రి అమిత్ షా రాజ్యసభలో ప్రవేశపెట్టిన సంగతి తెలిసిందే. ఆ తర్వాత ఆర్టికల్ 370ను రద్దు చేస్తూ రాష్ట్రపతి రామ్‌నాథ్ కోవింద్ ఆదేశాలు జారీ చేశారు. దీంతో పీపుల్స్ డెమోక్రటిక్ పార్టీ సభ్యులు సభలో ఆందోళనకు దిగారు. నజీర్ అహ్మద్ లావాయ్, ఎంఎం ఫయాజ్ తీవ్ర నిరసన వ్యక్తం చేశారు. రాజ్యాంగ ప్రతులను ఆ ఇద్దరు చింపేశారు. దీంతో వారిని సభ నుంచి బయటకు పంపాలని మార్షల్స్‌కు చైర్మన్ వెంకయ్య నాయుడు ఆదేశాలు జారీ చేశారు. సభ నుంచి బయటకు వచ్చే క్రమంలో ఇ ఇద్దరు సభ్యులు చొక్కాలు చింపుకుని నిరసన వ్యక్తం చేశారు. ఇక జమ్మూకశ్మీర్‌లో భారీగా బలగాలు మోహరించారు. 

No comments:
Write comments