సింగపూర్ లో బుగ్గన పర్యటన

 

విజయవాడ, సెప్టెంబర్  9(globelmedianews.com)
ఆంధ్రప్రదేశ్‌ సీఎం వైఎస్ జగన్ పగ్గాలు చేపట్టాక అమరావతి రాజధాని నిర్మాణ పనులు నిలిచిపోయాయి. దీంతో సింగపూర్ కన్సార్షియం కూడా రాజధాని నిర్మాణ ప్రణాళిక నుంచి తప్పుకొంటుందని వార్తలొస్తున్నాయి. ఇలాంటి తరుణంలో అమరావతి అంశంపై సింగపూర్‌ మంత్రి వీవీయన్‌ బాలకృష్ణన్ స్పందించారు. కొత్తగా అధికారంలోకి వచ్చిన వైఎస్ఆర్సీపీ సర్కారు తీసుకుంటున్న నిర్ణయాలను తాము గమనిస్తున్నామన్నారు. 
 సింగపూర్ లో బుగ్గన పర్యటన

అమరావతి ప్రణాళికపై సమీక్షించుకునే హక్కు ప్రస్తుత ప్రభుత్వానికి ఉందన్నారు.ఆంధ్రప్రదేశ్ ప్రభుత్వం అమరావతి ప్రాజెక్టును సమీక్షించాలని భావిస్తోందని సింగపూర్‌ కన్సార్షియం తమకు తెలిపిందని సింగపూర్ మంత్రి వెల్లడించారు. జగన్ సర్కారు తీసుకోబోయే నిర్ణయం కోసం తాము వేచి చూస్తున్నామన్నారు. రివ్యూ ప్రభావాన్ని అంచనా వేస్తున్నామని ఆయన చెప్పారు.ఇండియా-సింగపూర్‌ నెక్ట్స్‌ ఫేజ్‌ సదస్సులో పాల్గొనడానికి ఏపీ ఆర్థిక మంత్రి బుగ్గన రాజేంద్రనాథ్ సింగపూర్ వెళ్లారు. మంత్రితో పాటు సీఎం అదనపు ప్రధాన కార్యదర్శి రమేష్‌ బాబు, ఆర్థిక శాఖ ముఖ్య కార్యదర్శి రావత్‌ తదితరులు సింగపూర్ పర్యటనలో ఉన్నారు. ఈ సమయంలోనే సింగపూర్ మంత్రి అమరావతిపై ఇలాంటి వ్యాఖ్యలు చేయడం గమనార్హం

No comments:
Write comments