15న నెల్లూరుకు చంద్రబాబు, జగన్

 

విజయవాడ, అక్టోబరు 12, (globelmedianews.com)
ఏపీ ముఖ్యమంత్రి వైఎస్ జగన్‌మోహన్‌రెడ్డి, టీడీపీ అధినేత చంద్రబాబులు ఒకే రోజు ఒకే జిల్లాలో పర్యటనకు సిద్ధమయ్యారు. దీంతో రాజకీయం ఒక్కసారిగా వేడెక్కింది. అటు ముఖ్యమంత్రి, ఇటు ప్రతిపక్ష నేత ఒకేసారి వస్తుండటంతో పోటా-పోటీ స్వాగత ఏర్పాట్లు.. బలాబలాలకు వేదిక కాబోతోంది. ఆ రోజు ఏం జరగబోతుందనే ఆసక్తి ఏర్పడింది. ఇటు పోలీసులు కూడా భద్రతాపరమైన ఏర్పాట్లలో తలమునకలయ్యారు.ముఖ్యమంత్రి వైఎస్ జగన్‌మోహన్‌రెడ్డి ఈ నెల 15న రైతు భరోసా కార్యక్రమానికి శ్రీకారం చుట్టేందుకు నెల్లూరు జిల్లాకు వెళుతున్నారు. ప్రభుత్వం ప్రతిష్టాత్మకంగా చేపట్టి ఈ కార్యక్రమాన్ని ప్రారంభించనున్నారు. 
15న నెల్లూరుకు చంద్రబాబు, జగన్

ఇటు చంద్రబాబు కూడా సమీక్షలో కోసం నెల్లూరు జిల్లాకు వెళుతున్నారు. రెండు రోజుల పాటూ అక్కడే మకాం పెట్టనున్నారు. నియోజకవర్గాల వారీగా సమీక్షలతో పాటూ భవిష్యత్ కార్యాచరణపై నేతలతో చర్చించనున్నారు.ఇటు ముఖ్యమంత్రి రైతు భరోసా సభ, అటు చంద్రబాబు పర్యటనతో నెల్లూరు జిల్లా రాజకీయం ఒక్కసారిగా వేడెక్కింది. ఇరు పార్టీల నేతలు భారీగా ఏర్పాట్లు చేసుకుంటున్నారు. ఎన్నికల తర్వాత తొలిసారి జగన్ జిల్లాకు వస్తుండటంతో.. సీఎం సభను విజయవంతం చేసేందుకు వైఎస్సార్‌సీపీ నేతలు ప్రయత్నాలు చేస్తున్నారు. ఇటీవలే అమరావతిలో సమావేశమై సభఏర్పాట్ల చర్చించారు. ఇటు టీడీపీ నేతలు కూడా చంద్రబాబు పర్యటన కోసం భారీ ఏర్పాట్లే చేస్తున్నారట.ఇదిలా ఉంటే జగన్, చంద్రబాబు పర్యటనలు పోలీసులకు కత్తిమీద సాములా మారింది. ఇద్దరి పర్యటనతో ఎలాంటి అవాంఛనీయ ఘటనలు జరగకుండా పోలీసులు బందోబస్తు ఏర్పాటు చేసే పనుల్లో ఉన్నారు. ముఖ్యమంత్రి, ప్రతిపక్ష నేతల పర్యటనలకు సంబంధించిన భద్రతా ఏర్పాట్ల పనుల్లో నిమగ్నమయ్యారు. మొత్తం మీద ఇద్దరు నేతల పర్యటనలతో నెల్లూరు జిల్లా వేడెక్కింది.

No comments:
Write comments