ఇసుక అక్రమ రవాణా

 

టెలికాన్ఫరెన్స్ లో చంద్రబాబు
గుంటూరు అక్టోబరు 29 (globelmedianews.com)
రాష్ట్రంలో ఇసుక సంక్షోభం మానవ తప్పిదమేనని మాజీ ముఖ్యమంత్రి చంద్రబాబు నాయుడు ఆరోపించారు. మంగళవారం అయన  టిడిపి నాయకులతో టెలికాన్ఫరెన్స్ నిర్వహించారు.  ఈ కార్యక్రమంలో  రాష్ట్ర, జిల్లా నాయకులు, పార్టీ బాధ్యులు ఇతరులు పాల్గోన్నారు. చంద్రబాబు మాట్లాడుతూ వైసిపి నేతల స్వార్ధానికి రోజు కూలీలు బలి అవుతున్నారు. లక్షలాది కార్మికుల జీవనోపాధిని దెబ్బతీశారు. సొంతూళ్లో వాగులో ఇసుక తెచ్చుకోడానికి అనేక అడ్డంకులు వున్నాయి. పది రెట్ల ఎక్కువ ధరలకు ఇసుక విక్రయాలు చేస్తున్నారు.ఆన్ లైన్ లో ఇసుక అమ్మకాలు జగన్మాయగా మారిందని అన్నారు. అరగంటలోనే నో స్టాక్ బోర్డులు పెడుతున్నారు. చెన్నై,బెంగళూరు,హైదరాబాద్ కు ఇసుక అక్రమ రవాణా అవుతుంది. రాష్ట్రంలో ఆర్ధిక కార్యకలాపాలన్నీ దెబ్బతిన్నాయి.  మొత్తం ఆర్ధిక వ్యవస్థ కుదేలయ్యే దుస్తితి తెచ్చారని విమర్శించారు. 
ఇసుక అక్రమ రవాణా

రాజధానిపై ఇంకో కమిటి వేశారు, దానికి సూచనలు ఇవ్వాలట. గోదావరి-కృష్ణా అనుసంధానాన్ని రివర్స్ చేస్తున్నారు. జలాశయాలు ఎందుకు నింపలేదని సీఎం ఇప్పుడు ప్రశ్నించడం హాస్యాస్పదమని అన్నారు. వరదల్లో 4 వేల క్యూసెక్కులు సముద్రంలోకి వృధాగా పోయాయి. టిడిపి చేసిన అభివృద్ది పనులన్నీ రివర్స్ చేస్తున్నారు. టిడిపి నిర్మించిన భవనాలకు వైసిపి రంగులేస్తున్నారు. ప్రజల్లో టిడిపి అభివృద్ది ముద్ర చెరిపేయాలని పన్నాగాలు పన్నుతున్నారని అన్నారు.  వైసిపి ప్రభుత్వ వేధింపులపై రాజీలేని పోరాటం చేయాలి. చింతమనేని ప్రభాకర్, అఖిలప్రియపై తప్పుడు కేసులు పెట్టారు. వల్లభనేని వంశీని అక్రమ కేసులతో వేధిస్తున్నారు. తప్పుడు కేసులతో కోడెలను బలి తీసుకున్నారు. టిడిపి నాయకులు, కార్యకర్తలను దారుణంగా వేధిస్తున్నారని ఆరోపించారు.  ఆర్ధిక మూలాలు దెబ్బతీస్తున్నారు, అక్రమ కేసులతో వేధిస్తున్నారు. ఎన్ని కష్టాలు వచ్చినా పార్టీ కోసం కార్యకర్తలు నిలబడ్డారు. మానవ హక్కుల కమిషన్ బృందం ఈ రోజు రాష్ట్ర పర్యటనకు వచ్చింది. నవంబర్ 1దాకా రాష్ట్రంలో మానవహక్కుల బృందం పర్యటనలు చేస్తుంది. టిడిపి ఎంపిలు ఢిల్లీలో హ్యూమన్ రైట్స్ కమిషన్ కు వినతి ఇచ్చారు. దానికి స్పందనగానే రాష్ట్రంలో ప్రతినిధుల బృందం పర్యటిస్తోంది. ఆత్మకూరు, జంగమేశ్వరపాడు, పిన్నెల్లి, పొనుగుపాడులో పర్యటిస్తారు.వైసిపి నేతల బాధితులంతా మానవ హక్కుల బృందాన్ని కలవాలి. గత 5 నెలల్లో రాష్ట్రవ్యాప్తంగా 620చోట్ల అరాచకాలకు పాల్పడ్డారు. హత్యలు,భౌతికదాడులు,ఆస్తుల ధ్వంసం,తప్పుడు కేసులతో వేధిస్తున్నారు.  పొనుగుపాడులో రోడ్డుకు అడ్డంగా గోడ కట్టారు. నెలరోజుల్లో తీయిస్తామని శాసనమండలిలో హామీ ఇచ్చారు. 4నెలలైనా పొనుగుపాడు గోడ తీయించలేదు. ఇది చూసి మిగిలిన చోట్లకూడా వైసిపి నేతలు రెచ్చిపోతున్నారు. అనంతపురం జిల్లా వెంకటాపురంలో కూడా గోడలు కట్టారు. టిడిపి కార్యకర్తలు అక్కులప్ప, నాగరాజు ఇళ్ల చుట్టూ గోడలు కట్టారు. ఈ అరాచకాలన్నీ హ్యూమన్ రైట్స్ బృందానికి వివరించాలని చంద్రబాబు సూచించారు.

No comments:
Write comments