జగన్ ఒక మతాన్ని ప్రోత్సహిస్తున్నారు

 

గుంటూరు, అక్టొబరు 1, (globelmedianews.com)
ష్ట్రంలో వైఎస్సార్సీపీ ప్రభుత్వం అధికారంలోకి వచ్చినప్పటి నుంచి ఒక మతాన్ని ప్రోత్సహిస్తోందని కన్నా లక్ష్మీనారాయణ సంచలన ఆరోపణలు చేశారు. మీ పార్టీ పరంగా, లేదంటే వ్యక్తిగతంగా చేసుకుంటే తప్పు లేదు. కానీ ఏ మతాన్ని కూడా ప్రభుత్వ ఖర్చుతో పెంచిపోషించడం తగదన్నారు. ప్రజల సొమ్ముతో ఒక మతాన్ని ఎలా ప్రోత్సహిస్తారని కన్నా ప్రశ్నించారు. హిందూ దేవాలయాలను చులకనగా చూస్తున్నారని ఆరోపించారు.ఇటీవల తిరుమల, శ్రీశైలంలో జరిగిన అన్యమత ప్రచార ఘటనలను ప్రస్తావించారు. అలాగే దేవాలయ భూములు పంపిణీ చేయాలన్న ప్రభుత్వ యత్నాలను వ్యతిరేకిస్తున్నామన్నారు. ఇదే విషయాన్ని ఇప్పటికే గవర్నర్ తీసుకెళ్లినట్లు చెప్పారు. దేవాలయ భూముల రక్షణకు బీజేపీ కట్టుబడి ఉందన్నారు. 
జగన్ ఒక మతాన్ని ప్రోత్సహిస్తున్నారు

అవసరమైతే ఆందోళనలకు సిద్ధమని కన్నా స్పష్టం చేశారు.గత ప్రభుత్వం తరహాలోనే జగన్ సర్కార్ కూడా పోలీసు రాజ్యం నడిసిస్తోందని కన్నా ఆగ్రహం వ్యక్తం చేశారు. టీడీపీ ప్రభుత్వానికి, జగన్ సర్కార్‌కు తేడా లేకుండా పోతోందని, ఇలాగే కొనసాగితే తెలుగుదేశానికి పట్టిన గతే వైఎస్సార్సీపీకి కూడా పడుతుందన్నారు. ఇదే విషయాన్ని ఎప్పటికప్పుడు లేఖల ద్వారా తెలియజేసినా చీమ కుట్టినట్టు కూడా లేదని ఆయన విమర్శించారు. గ్రామాల్లో బీజేపీ శ్రేణులను కూడా అధికార పార్టీ నేతలు ఇబ్బందులకు గురిచేస్తున్నారన్నారు.ప్రభుత్వ నిర్ణయాలు రాష్ట్ర అభివృద్ధి కుంటుపడేలా ఉన్నాయని కన్నా పేర్కొన్నారు. ఇసుక అందుబాటులో లేక కార్మికులు ఇబ్బందులు పడుతున్నా ప్రభుత్వం పట్టించుకున్న పాపానపోలేదన్నారు. భవన నిర్మాణ కార్మికుల అప్పులు చేసి కాలం వెళ్లదీస్తున్న పరిస్థితి దాపురించిందన్నారు. కొత్త విధానం తీసుకొస్తున్నామని ప్రభుత్వం చెప్పిందని, నెల రోజులు గడుస్తున్నా నేటికీ పరిష్కారం కాలేదన్నారు. పది శాతం ఈబీసీ రిజర్వేషన్లను పట్టించుకోకపోవడంపై కన్నా తీవ్ర అభ్యంతరాలు వ్యక్తం చేశారు.ఏ ప్రాంతీయ పార్టీకి అద్దె మైకుగా పని చేయాల్సిన అవసరం బీజేపీకి లేదని బీజేపీ చీఫ్ కన్నా తెలిపారు. అలా ప్రచారం చేసిన తెలుగుదేశం పరిస్థితి ఇప్పుడు చూస్తున్నామంటూ చురకలంటించారు. కేంద్రం అమల్లోకి తెచ్చిన పది శాతం రిజర్వేషన్లను అమలు చేయకపోవడంపై అభ్యంతరం వ్యక్తం చేశారు. జగన్ సర్కార్ నిర్ణయాలను వ్యతిరేకిస్తూ బీజేపీ కార్యాచరణ ప్రకటించారు. 10 శాతం రిజర్వేషన్ల అమలుకు డిమాండ్ చేస్తూ 4న కలెక్టరేట్ల ఎదుట ధర్నా నిర్వహించనున్నట్టు తెలిపారు. ఇసుక కొరతపై 7న భిక్షాటన, 11న పోలవరంలో పర్యటించనున్నట్ల కన్నా వివరించారు.

No comments:
Write comments