జగన్ అపాయింట్ మెంట్ ఇవ్వడం లేదు

 

విశాఖపట్టణం,అక్టోబరు 29, (globelmedianews.com)
జగన్ సర్కార్‌ను టార్గెట్ చేసింది బీజేపీ. ఇసుక కొరతతో పాటూ తాజా పరిణామాలపై వైఎస్సార్‌సీపీ ప్రభుత్వంపై విరుచుకుపడుతోంది. అధ్యక్షుడు కన్నా లక్ష్మీనారాయణతో పాటూ ముఖ్య నేతలు ఏపీ సర్కార్‌పై విమర్శనాస్త్రాలు సంధిస్తున్నారు. ముఖ్యమంత్రి జగన్‌ తీరుపై మాజీ ఎమ్మెల్యే, బీజేపీ నేత విష్ణుకుమార్ రాజు అసంతృప్తిని వ్యక్తం చేశారు. ఇసుక కొరతతో పాటూ ఇతర సమస్యలపై స్పందించారు.ప్రభుత్వం రాష్ట్రంలో కాంట్రాక్టర్లకు ఇవ్వాల్సిన వందల కోట్లను నిలిపేశారని విష్ణు ఆరోపించారు.
జగన్ అపాయింట్ మెంట్ ఇవ్వడం లేదు

కాంట్రాక్టర్లు కూడా ఆత్మహత్య చేసుకునే పరిస్థితి ఏర్పడిందని ఆవేదన వ్యక్తం చేశారు. అమరావతి ఏమవుతుందో స్పష్టత లేదని.. సీఎం జగన్ ఎవరికీ అపాయింట్‌మెంట్ ఇవ్వడం లేదని ఆరోపించారు. తాను నాలుగు నెలలుగా ప్రజా సమస్యలు చెబుదామంటే.. సీఎం అపాయింట్‌మెంట్ దొరకడం లేదన్నారు.ఏపీలో అభివృద్ధి కుంటుపడిందన్నారు మాజీ మంత్రి మాణిక్యాలరావు. ఒకరిపై ఒకరు ఆరోపణలు తప్ప అభివృద్ధి శూన్యమని.. నాలుగు నెలల నుంచి కొత్త ఇసుక పాలసీ ప్రకటించలేదని ఆరోపించారు. భవన నిర్మాణ కార్మికులు ఆత్మహత్యలు చేసుకుంటున్నారని.. జగన్ పాలన చూస్తుంటే నీరో చక్రవర్తి పాలనలా ఉందని తీవ్రస్థాయిలో ధ్వజమెత్తారు. ఇప్పటికైనా జగన్ ప్రభుత్వం కార్మికుల సమస్యల్ని పరిష్కరించాలని డిమాండ్ చేశారు.

No comments:
Write comments