నేవీ ఉద్యోగులకు కఠిన నిబంధనలు

 

విశాఖపట్టణం, డిసెంబర్ 30, (globelmedianews.com)
నౌకాదళానికి చెందిన కీలక రహస్యాలను పాకిస్థాన్‌కు చేరవేస్తున్న ఏడుగురు సిబ్బందిని విశాఖపట్నంలో ఏపీ నిఘా వర్గాలు అదుపులోకి తీసుకున్న విషయ తెలిసింది. హానీట్రాప్‌లో చిక్కుకున్న ఈ నేవీ ఉద్యోగులు కీలక సమాచారాన్ని అందించడం రక్షణ వర్గాల్లో తీవ్ర కలకలం రేపింది. ఈ నేపథ్యంలో చర్యలకు ఉపక్రమించిన నేవీ.. ఆన్‌లైన్‌ ద్వారా ముప్పు పొంచి ఉండటంతో సోషల్‌ మీడియా, స్మార్ట్‌ఫోన్ల వినియోగంపై ఆంక్షలు విధించింది. నౌకాదళ స్థావరాలు, డాక్‌యార్డ్‌లు, యుద్ధ నౌకల్లో నేవీ బ్బంది ఫేస్‌బుక్‌, ఇన్‌స్టాగ్రామ్‌, వాట్సాప్‌ లాంటి యాప్‌లు, నెట్‌వర్కింగ్‌, బ్లాగ్స్, ఇ-కామర్స్‌ వెబ్‌సైట్లను వంటివి ఉపయోగించుకుండా నిషేధం విధించింది. ఈ సమయంలో స్మార్ట్‌ఫోన్‌లను కూడా వినియోగించరాదని ఆదేశించింది. 
నేవీ ఉద్యోగులకు కఠిన నిబంధనలు

నేవీ సిబ్బంది హనీ ట్రాప్‌లో చిక్కుకోకుండా ఉండేందుకు ఇలాంటి నిర్ణయం తీసుకుందివిశాఖపట్నంలోని ఈస్ట్రన్ నావెల్ కమాండ్‌కు చెందిన కీలక సమాచారాన్ని పాక్‌కు చేరవేస్తున్న గూఢచర్య రాకెట్‌ను ఆంధ్రప్రదేశ్‌ కౌంటర్‌ ఇంటెలిజెన్స్‌ వింగ్ డిసెంబరు 20న బట్టబయలు చేసిన విషయం తెలిసిందే. ఆపరేషన్ డాల్ఫిన్ నోస్ పేరుతో కేంద్ర, నౌకాదళ నిఘా విభాగం, ఏపీ పోలీసులు కలిసి ఈ భారీ ఆపరేషన్ చేపట్టారు. గూఢచర్యానికి పాల్పడిన ఏడుగురు ఉద్యోగులు, ఒక హవాలా ఏజెంట్‌ను అరెస్టు చేశారు. ఇండియన్ నేవీలో 2017లో చేరిన ఈ ఉద్యోగులు 2018లో ఫేస్‌బుక్‌ ద్వారా హనీట్రాప్‌లో చిక్కుకున్నట్లు గుర్తించారు. పాక్‌ గూఢచారి సంస్థ ఐఎస్‌ఐ హనీ ట్రాప్‌లో చిక్కుకున్న వీళ్లు.. హవాలా సొమ్ముకు ఆశపడి దేశ రహస్యాలను వారికి చేరవేసినట్టు అధికారులు గుర్తించి అదుపులోకి తీసుకున్నారు.తూర్పు నావికాదళ కమాండ్ అయిన విశాఖపట్నం కేంద్రంగా గూఢచర్యం జరుగుతున్నట్లుగా గుర్తించిన నిఘా సంస్థలు ఈ ఆపరేషన్‌కు ఆపరేషన్ డాల్ఫిన్స్ నోస్ అని పేరు సూచించాయి. అరెస్టైన వారు గతంలో విశాఖ కేంద్రంగా పనిచేసినట్టు తెలిసింది. దేశ భద్రతకు సంబంధించిన అంశాలు ముడిపడి ఉండటంతో విచారణ పూర్తయ్యే వరకూ వివరాలు వెల్లడించలేమని అధికారులు తెలిపారు.

No comments:
Write comments